ខេត្តតាកែវ៖ ថៅកែស្រូវម្នាក់បានស្លាប់ ខណៈតៃកុងរថយន្តរងរបួសធ្ងន់ ក្រោយបើករថយន្តធុនធំប្រភេទយីឌុក ដឹកស្រូវទៅបុកជាមួយនឹងរថភ្លើង ដែលកំពុងឆ្លងកាត់ ខ្ទេចក្បាលខាងមុខម៉ត់ឈឹង កាលពីវេលាម៉ោង១១យប់ ថ្ងៃទី២៦ ខែមីនា ឆ្នាំ២០២១ ក្នុងភូមិក្រាំងរអូត ឃុំសំរោង ស្រុកសំរោង ខេត្តតាកែវ ។

សូមបញ្ជាក់ថា ករណីនេះ ក៏បណ្តាលឲ្យភាគីខាងរថភ្លើង ធ្លាក់ទូកុងតឺន័រ ចេញពីផ្លូវដែកផងដែរ ។ ក្រោយកើតហេតុសមត្ថកិច្ចជំនាញបានធ្វើការវាស់វែងនៅទីតាំងកើតហេតុ យករថយន្តទៅរក្សាទុក រង់ចាំដោះស្រាយគ្នាតាមច្បាប់បន្តទៀត៕