ខេត្តតាកែវ៖ អធិការដ្ឋាននគរបាលស្រុកបាទី សហការជាមួយកម្លាំងប៉ុស្ដិ៍នគរបាលរដ្ឋបាលត្រពាំងសាប បង្រ្កាបមុខសញ្ញាជួញដូរដោយខុសច្បាប់នូវសារធាតុញៀននៅថ្ងៃសុក្រ ១៣ កើត ខែចេត្រ ឆ្នាំជូត

ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៦ ខែមីនា ឆ្នាំ២០២១ វេលាម៉ោង១១៖៣០នាទី នៅចំណុចភូមិត្រពាំងសាប ឃុំត្រពាំងសាប ស្រុកបាទី ខេត្តតាកែវ ។

ជនសង្ស័យដែលឃាត់ខ្លួនបានមានឈ្មោះ តុំ ផា ភេទប្រុស អាយុ ២៦ឆ្នាំ រស់នៅភូមិ-ឃុំកើតហេតុ ព្រមទាំងដកហូតវត្ថុតាងរួមមាន៖ ម្សៅក្រាមពណ៌សថ្លា៣១កញ្ចប់(ធំ០៣កញ្ចប់)ជញ្ជីងថ្លឹងថ្នាំញៀនចំនួន០១ និងសម្ភារមួយចំនួនទៀត ។

ក្រោយធ្វើការឃាត់ខ្លួនជនសង្ស័យត្រូវបានកម្លាំងជំនាញអធិការដ្ឋាននគរបាលស្រុកបាទី សហការជាមួយកម្លាំងប៉ុស្ដិ៍នគរបាលរដ្ឋបាលត្រពាំងសាបកសាងសំណុំរឿងតាមនីតិវិធី ៕