ភ្នំពេញ ៖ បុរសម្នាក់បានរងរបួសធ្ងន់ ត្រូវបានបញ្ជូនទៅមន្ទីរពេទ្យភ្លាមៗ

ក្រោយបើករថយន្តបញ្ច្រាស់ផ្លូវទៅបុករថយន្តដឹកសំរាម ហេតុការណ៍នេះកើតឡើងនៅតាមបណ្ដោយផ្លូវជាតិលេខ៥ ស្ថិតនៅក្នុងស្ថិតសង្កាត់ច្រាំងចំរេះទី២ ខណ្ឌឬស្សីកែវ នាវេលាម៉ោង ១២រំលងអាធ្រាត្រ ឈានចូលថ្ងៃទី២៨ ខែមីនាឆ្នាំ ២០២១ ។

យោងទៅតាមប្រភពព័ត៌មានពីសមត្ថកិច្ចបានឱ្យដឹងថាមុនពេលកើតហេតុបុរស់ម្នាក់បានបើរថយន្ដម៉ាក VISTO មួយគ្រឿងដែលមានស្លាក់លេង ភ្នំពេញ 2X5098 បើកបញ្ច្រាស់ផ្លូវក្នុងទិសដៅពីត្បូងទៅជើងលុះមកដល់ចំណុចកើតហេតុមុខសាលាបឋមសិក្សាតេជោ ហ៊ុនសែន ច្រាំងចំរេះបានរេចង្កូតទៅបុកនឹងរថយន្តដឹកសំរាមដែលចតចោលបណ្ដាលឲ្យម្ចាស់រថយន្ត VISTO រងរបួសធ្ងន់ត្រូវបានបញ្ជូនទៅមន្ទីរពេទ្យដើម្បីសង្គ្រោះបន្ទាន់ភ្លាមៗ ។

ក្រោយពីកើតហេតុសមត្ថកិច្ចបានព្យាយាមអោយម្ចាស់រថយន្តVISTO សម្របសម្រួលឲ្យភាគីម្ចាស់រថយន្ត ដឹកសំរាម និងសំណងទៅចំនួន 200 ដុល្លារដើម្បីបញ្ចប់រឿង ៕