បន្ទាយមានជ័យ៖ឃាត់ខ្លួនជនសង្ស័យ២នាក់និងគ្រឿងញៀន២កូនថង់តូចដែលចោទប្រកាន់ពីបទចែកចាយនិងប្រើប្រាស់គ្រឿងញៀនត្រូវបានបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី២៨ ខែមីនា ឆ្នាំ២០២១។
លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យ២នាក់មាន១.ឈ្មោះ បូរ៉ា បុរស់ ភេទប្រុសអាយុ២៤ឆ្នាំ ២.ឈ្មោះ ផុន សូភី ភេទប្រុសអាយុ២៧ឆ្នាំជនសង្ស័យរស់នៅភូមិយាងនិគមន៍ ឃុំអូរបីជាន់ ស្រុកអូរជ្រៅ។
លោកបានបញ្ជាក់ថា៖នៅពេលឃាត់ខ្លួនជនសង្ស័យកម្លាំងកងរាចអាវុធហត្ថក្រុងប៉ោយប៉ែត ទទួលព័ត៌មានពីអាជ្ញាធរមូលដ្ឋានហើយកម្លាំងជំនាញចុះស្រាវជ្រាវកំណត់មុខសញ្ញាចុះបង្ក្រាបឃាត់ខ្លួនជនសង្ស័យ២នាក់និងដកហូតវត្ថុតាងគ្រឿងញៀនប្រភេទមេតំហ្វេតាមីនហៅខេទឹកកកចំនួន២កូនថង់តូចកាលពីថ្ងៃទី២៦ ខែមីនា ឆ្នាំ២០២១នៅចំណុចភូមិប្រជាធម្ម សង្កាត់ផ្សារកណ្តាល ក្រុងប៉ោយប៉ែត។
លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយពេលឃាត់ខ្លួនជនសង្ស័យហើយនាំយកមកសាកសួរតាមចម្លើយសារភាពនិងវត្ថុតាងគ្រឿងញៀនត្រូវកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕ដោយ៖ចន្ត្រា
