ខេត្តក្រចេះ ៖ មានការភ្ញាក់ផ្អើលមួយបានកើតឡើង ដោយបុរសម្នាក់ បានចុះទៅក្នុងអណ្តូងជម្រៅ៦ម៉ែត្រ បំណងតម៉ូទ័របូមទឹកក្នុងអណ្តូង អកុសលបែរជាថប់ដង្ហើមស្លាប់យ៉ាងអាណោចអាធ័ម នៅព្រឹកថ្ងៃទី៣០ ខែមីនា ឆ្នាំ២០២១ នៅចំណុចភូមិអញ្ចាញ​ឃុំដារ ស្រុកចិត្របុរី ខេត្តក្រចេះ។

សមត្ថកិច្ចខេត្តក្រចេះ បញ្ជាក់ថា សពជនរងគ្រោះមានឈ្មោះ ​ឃីន ជឿន​ អាយុ៥០ឆ្នាំ ​រស់នៅក្នុងភូមិខាងលើ ត្រូវបានអ្នកភូមិ ស្រង់ចេញពីអណ្តូងជម្រៅ៦ម៉ែត្រដែលនៅខាងក្រោយផ្ទះ និងប្រញាប់រាយការណ៍ជូនសមត្ថកិច្ចមកធ្វើកោសល្យវិច័យ ប្រគល់សពឲ្យសាច់ញាតិធ្វើបុណ្យតាមប្រពៃណី៕ ប្រភព៖ ស្នងការដ្ឋាននគរបាលខេត្តក្រចេះ