ស្រុកព្រៃនប់៖ រថយន្តព្រូសមួយគ្រឿង ក្រឡាប់ធ្លាក់ផ្លូវខ្លួនឯង ផ្ងារជើងច្រង៉ាង បង្កការភ្ញាក់ផ្អើលកាលពីវេលាម៉ោងជិត៤ល្ងាច ថ្ងៃទី២៩ ខែមីនា ឆ្នាំ២០២១ តាមផ្លូវជាតិលេខ៤ ចន្លោះគីឡូម៉ែត្រ១៦៧-១៦៨ ក្នុងភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ។

សមត្ថកិច្ចបញ្ជាក់ថា រថយន្តព្រូស ដែលក្រឡាប់នេះ ពណ៌ខ្មៅ ពាក់ស្លាកលេខ ភ្នំពេញ 2R-6711 អ្នកបើកបរ ឈ្មោះ ឡាំ វ៉ា ភេទប្រុស អាយុ៦០ឆ្នាំ ទីលំនៅភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ រួមដំណើរជាមួយប្រពន្ធឈ្មោះ លី សុខហៀង អាយុ៥៨ឆ្នាំ បើកបរទិសដៅ ភ្នំពេញ-ព្រះសីហនុ មកដល់ចំណុចខាងលើរេចង្កូតទៅខាងឆ្វេងដៃបណ្តាលឲ្យធ្លាក់ផ្លូវ ក្រឡាប់ ប៉ុន្តែសំណាងល្អ មិនមានអ្នករងរបួសមនុស្យឡើយ ។​