ខេត្តបន្ទាយមានជ័យ ៖ សូមចៀសឲ្យឆ្ងាយពីគ្រឿងញៀន គ្រឿងញៀនបំផ្លាញអ្នក គ្រួសារអ្នក និងសង្គមជាតិ សូមកុំចង់សាក សូម្បីតែបន្តិច ។ ជនសង្ស័យប្រុសស្រីចំនួន៤នាក់ ត្រូវបានកម្លាំង អធិការដ្ឋាននគរបាលក្រុងសិរីសោភ័ណ ធ្វើការចាប់ឃាត់ខ្លួន នៅថ្ងៃទី៣០ ខែមីនា ឆ្នាំ២០២១ ក្នុងភូមិសែសិន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ខណៈជនសង្ស័យទាំងនេះ សុទ្ធតែជាមុខសញ្ញា ចែកចាយនិងប្រើប្រាស់គ្រឿងញៀនយ៉ាងសកម្ម។

ក្នុងប្រតិបត្តិការនេះដែរ សមត្ថកិច្ចក៏បានធ្វើការរឹបអូសវត្ថុតាងគ្រឿងញៀនប្រភេទម្ស៉ៅក្រាម ពណ៌ស ចំនួន៣កូនថង់ និងយ៉ាម៉ា៩គ្រាប់ រួមទាំងឧបករប្រើប្រាស់គ្រឿងញៀនមួយចំនួន ត្រូវបានបញ្ជូនមកអធិការដ្ឋាននគរបាលក្រុងសិរីសោភ័ណ ដើម្បីកសាងសំណុំរឿង បញ្ជូនទៅសាលាដំបូងខេត្ត ចាត់ការតាមច្បាប់បន្តទៀត៕