រាជធានីភ្នំពេញ៖ ជនសង្ស័យម្នាក់ត្រូវបានកម្លាំងនគរបាលខណ្ឌសែនសុខដេញចាប់ប្រផាប់ប្រភីងក្រោយធ្វើសកម្មភាពឆក់ទូរស័ព្ទដៃពីស្ត្រីម្នាក់បានសម្រេចកាលពីវេលាម៉ោង១៥និង០០នាទី រសៀលថ្ងៃទី៣១ខែមិនា២០២១ នៅចំណុចមុខហាងលក់គ្រឿងអគ្គីសនីម៉ូដិនហូមផ្លូវ១០១៩ ភូមិរោងចក្រ សង្កាត់គោកឃ្លាង ខណ្ឌសែនសុខ ។

ប្រភពព័ត៍មានពីសមត្ថកិច្ចឲ្យដឹងថានៅមុនឃាត់ខ្លួនជនសង្ស័យ បានជិះម៉ូតូ០១គ្រឿង ម៉ាកហុងដាឃ្លីកពណ៌ក្រហម ផលិតឆ្នាំ២០១៦ ពាក់ស្លាកលេខភ្នំពេញ1CL-8146 បានធ្វើសកម្មភាពឆក់យក ទូរសព្ទ័ដៃ០១គ្រឿង ម៉ាកVIVO ពីជនរងគ្រោះ ចាន់ វលិដា ភេទស្រី អាយុ២៣ឆ្នាំ ជនជាតិខ្មែរមុខរបរបុគ្គលិកក្រុមហ៊ុនឯកជន ស្នាក់នៅបន្ទប់ជួល ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ តាមដងផ្លូវក្រោយធ្វើសកម្មភាពបានសម្រេចព្យាយាមជិះម៉ូតូគេចខ្លួនតែត្រូវបានកម្លាំងនគរបាលខណ្ឌសែនសុខដេញ។ជនសង្ស័យនេះមាន ឈ្មោះ សុខា សុខជា ភេទប្រុសជនជាតិខ្មែរ មុខរបរគ្មានស្នាក់នៅបន្ទប់ជួល ផ្លូវបេតុង សង្កាត់ទួលសង្កែ១ ខណ្ឌឬស្សីកែវ ។បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕