(ខេត្តព្រះសីហនុ)៖ ជនសង្ស័យចំនួន២នាក់ ត្រូវបានកម្លាំងជំនាញអធិការដ្ឋាននគរបាលស្រុកព្រៃនប់ ធ្វើការចាប់ឃាត់ខ្លួន ពាក់ព័ន្ធករណីគ្រឿងញៀន កាលពីវេលាម៉ោង ៥និង៣០នាទី ថ្ងៃទី២ ខែមេសា ឆ្នាំ២០២១ នៅចំណុចក្នុងផ្ទះ ក្នុងភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ។

ជនសង្ស័យដែលឃាត់ខ្លួនបាននេះ រួមមាន ៖

១/ ឈ្មោះ ទន់ សាន ភេទប្រុស អាយុ ៣៣ ឆ្នាំ មុខរបរកសិករ ស្នាក់នៅភូមិចំការ កៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ ។

២/ ឈ្មោះ រស់ យឿន ភេទប្រុស អាយុ១៨ ឆ្នាំ មុខរបរកម្មករ ស្នាក់នៅភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ ។

ដកហូតវត្ថុតាងរួមមាន ម្សៅក្រាមសថ្លាសង្ស័យសារធាតុញៀនចំនួន ០៧កញ្ចប់ (ធំចំនួន ០២កញ្ចប់ តូចចំនួន ០៥កញ្ចប់) និងទូរស័ព្ទដៃចំនួន ០២គ្រឿង បញ្ជូនទៅកាន់ការិយាល័យជំនាញដើម្បីចាត់ការតាមច្បាប់បន្តទៀត ៕