បន្ទាយមានជ័យ៖ ឃាត់ខ្លួនជនសង្ស័យជាជនជាតិឥណ្ឌូនេស៊ី ដែលធ្វើសកម្មភាពលួចម៉ូតូក្រុងប៉ោយប៉ែត ត្រូវបានចាត់ការតាមច្បាប់ នៅថ្ងៃទី០៤ ខែមេសា ឆ្នាំ២០២១។

លោកវរៈសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ ជនសង្ស័យដែលត្រូវឃាត់ខ្លួនមានឈ្មោះ ហៀរី អាន់តូ ភេទប្រុស អាយុ៣២ឆ្នាំ ជាជនជាតិឥណ្ឌូនេស៊ី ស្នាក់នៅក្រុងប៉ោយប៉ែត។

លោកបានបញ្ជាក់ថា៖នៅពេលឃាត់ខ្លួនជនសង្ស័យជាជនជាតិឥណ្ឌូនេស៊ី គឺកម្លាំងទទួលពាក្យបណ្តឹងជនរងគ្រោះឈ្មោះ ឡាត់ ភី ភេទប្រុសអាយុ៥០ឆ្នាំរស់នៅភូមិក្បាលស្ពានមួយ សង្កាត់/ក្រុងប៉ោយប៉ែត បានប្តឹងបានបាត់ម៉ូតូម៉ាក់វ៉េវពណ៌ខ្មៅពាក់ស្លាក់លេខបន្ទាយមានជ័យ1A.7527ដែលចោធ្វើសកម្មភាពលួចនៅចំណុចមុខកាស៊ីណូផ្កាយប្រាំកាលពីថ្ងៃទី០១ ខែមេសា ឆ្នាំ២០២១ស្ថិតភូមិក្បាលស្ពានមួយ សង្កាត់/ក្រុងប៉ោយប៉ែត។

លោកវរៈសេនីយ៍ត្រី នួន នីណារ៉ូ បានបញ្ជាក់ថា៖ក្រោយទទួលពាក្យបណ្តឹងកម្លាំងកងរាជអាវុធហត្ថក្រុងប៉ោយប៉ែត បានធ្វើការស្រាវជ្រាវនិងកំណត់មុខសញ្ញាឃាត់ខ្លួនជនសង្ស័យម្នាក់ជាជនជាតិឥណ្ឌូនេស៊ី ដកហូតវត្ថុតាងម៉ូតូនៅវេលាម៉ោង៥ល្ងាចថ្ងៃទី០១ ខែមេសា ឆ្នាំ២០២១នៅចំណុចស្ថានីយ៍រថភ្លើងស្ថិតភូមិលក្បាលស្ពានមួយ សង្កាត់/ក្រុងប៉ោយប៉ែត។ក្រោយពេលឃាត់ខ្លួនជនសង្ស័យម្នាក់ជាជនជាតិឥណ្ឌូនេស៊ីនិងដកហូតម៉ូតូបានមកវិញ នាំយកទៅសាកសួរតាមចម្លើយសារភាពត្រូវបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់៕ ដោយ៖ចន្ត្រា