ខេត្តព្រះសីហនុ៖ ករណីគ្រោះថ្នាក់ចរាចរណ៍មួយកើតឡើង ដោយរថយន្តធុនធំ បុកប៉ះគ្នាជាមួយរថយន្តបែនដឹកដី ពាក់ស្លាកលេខ កំពង់ចាម 3A-9600 ទិសដៅពីភ្នំពេញ-ខេត្តព្រះសីហនុ ជាមួយរថយន្តក្រុមហ៊ុនស្រាបៀអង្គរ ទិសដៅបញ្ច្រាសគ្នា បណ្តាលឲ្យរថយន្តដឹកដីរងការខូចខាតធ្ងន់ធ្ងរ តែមិនមានគ្រោះថ្នាក់ដល់អាយុជីវិតមនុស្សឡើយ។

ហេតុការណ៍នេះកើតឡើងនៅថ្ងៃទី០៤ ខែមេសា ឆ្នាំ២០២១ នៅផ្លូវជាតិលេខ៤ ចន្លោះគីឡូម៉ែត្រ១៣៨-១៣៩ ក្នុងភូមិ-ឃុំចំការហ្លួង ស្រុកកំពង់សីលា ខេត្តព្រះសីហនុ។ ចំពោះហេតុការណ៍នេះ មិនទាន់ដឹងថាភាគីរថយន្តខាងណាជាអ្នកបង្កគ្រោះថ្នាក់នេះទេ ទុកឲ្យសមត្ថកិច្ចស្រាវជ្រាវសិនចុះ។

បន្ទាប់ពីកើតហេតុ កម្លាំងអាវុធហត្ថស្នាក់ការសន្តិសុខ ៤០២ សហការជាមួយ កម្លាំងរបស់អធិការដ្ឋាននគរបាលស្រុកកំពង់សីលា សម្រួលសណ្តាប់ធ្នាប់នៅកន្លែងកើតហេតុ និងដោះស្រាយបន្តតាមនិតិវិធីច្បាប់ ៕