ខេត្តស្វាយរៀង៖ យ៉ាងហោចណាស់ មនុស្សចំនួន២នាក់ បានរងរបួសធ្ងន់ស្រាល ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យ ខណៈម៉ូតូ២គ្រឿងបានបុកគ្នាពេញទំហឹង ពេលកំពុងជិះបញ្ច្រាស់គ្នា កាលពីវេលាម៉ោង ៧ និង៥នាទីយប់ ថ្ងៃទី៤ ខែមេសា ឆ្នាំ២០២១ ផ្លូវលំ ក្នុងភូមិថ្លុកព្រីង ឃុំពពែត ស្រុកស្វាយទាប ខេត្តស្វាយរៀង។

សមត្ថកិច្ចបានឲ្យដឹងថា៖ មុនពេលកើតហេតុ មានម៉ូតូមួយគ្រឿងម៉ាកអាសង់ ស៊េរីឆ្នាំ២០០៨ ពណ៌ខ្មៅ ពាក់ស្លាកលេខ កំពង់ចាម 1A-1776 ធ្វើដំណើរពីជើងទៅត្បូង បើកបរដោយឈ្មោះ ជា អាន ភេទប្រុស អាយុ56ឆ្នាំ មុខរបរកសិករ រស់នៅភូមិថ្លុកព្រីង ឃុំពពែត ស្រុកស្វាយទាប ខេត្តស្វាយរៀង គ្មានមួកសុវត្ថិភាព របួសស្រាល (ម៉ូតូខូចខាតស្រាល)។

ប្រភពបានបន្តទៀតថា៖លុះមកដល់ចំណុចកើតហេតុខាងលើ ស្រាប់តែមានម៉ូតូមួយគ្រឿងទៀតម៉ាក wave ពណ៌ក្រហម ពាក់ផ្លាកលេខ ភ្នំពេញ1l.7045 បើកបរដោយឈ្មោះ អ៊ូ ណាវី ភេទស្រីអាយុ17ឆ្នាំ មុខរបរកសិករ រស់នៅភូមិថ្លុកព្រីង ឃុំពពែត ស្រុកស្វាយទាប ខេត្តស្វាយរៀង ធ្វើដំណើរពីទិសដៅពីត្បូងទៅជើង បញ្ច្រាស់ទិសដៅគ្នា ហើយបានបុកជាមួយម៉ូតូអាសង់ខាងលើបណ្ដាលអោយដួលរងរបួសទាំង២នាក់តែម្ដង។

បច្ចុប្បន្ន អ្នករបួសបានយកទៅសំរាកព្យាបាលនៅមន្ទីពេទ្យបង្អែកខេត្តស្វាយរៀង ចំពោះមធ្យោបាយទាំងពីរយកមករក្សាទុកនៅផ្ទះលោកមេភូមិថ្លុកព្រីង។ ដោយមូលហេតុ អ្នកបើកបរម៉ូតូម៉ាកសង់ បើកបរក្នុងស្ថានភាពស្រវឹង៕ ដោយ:Pheakdey