បន្ទាយមានជ័យ៖ ខ្សែភ្លើងដាច់កកិតនិងសសរដែកឆ្លងចរន្តស្ត្រីរងគ្រោះទៅចាប់សសរដែកឆក់បណ្តាលស្លាប់នៅវេលាម៉ោង៩.៥០នាទីព្រឹកថ្ងៃទី០៥ ខែមេសា ឆ្នាំ២០២១ស្ថិតភូមិនិមិត្តមួយ សង្កាត់និមិត្ត ក្រុងប៉ោយប៉ែត។
មន្ត្រីប៉ុស្តិ៍នគរបាលសង្កាត់និមិត្តបានប្រាប់ថា៖ស្ត្រីរងគ្រោះឆក់ចរន្តអគ្គីសនីស្លាប់ឈ្មោះ ទិត្យ សោភ័ណ អាយុ១៨ឆ្នាំរស់នៅភូមិកើតហេតុខាងលើ។
ឈ្មោះ ទិត្យ អួន ជា (ឪពុក)បានប្រាប់ថា៖កូនស្រីនៅពេលឆក់ចរន្តអគ្គីសនីស្លាប់ គឺបានទៅចាប់សសរដែកក្នុងផ្ទៈបណ្តាលឆក់ជាប់និងសសរដែក ហើយពេលឃើញបានយកកន្សែងទាក់យកចេញហើយដឹកទៅមន្ទីពេទ្យបានប្រាប់ថាកូនស្លាប់ហើយដឹកមកផ្ទៈវិញមិនអស់ចិត្តបានយកកប់ដីខ្សាច់តែកូនស្រីនៅតែមិនដឹងខ្លួនស្លាប់ទៅហើយ។
មន្ត្រីនគរបាលប៉ុស្តិ៍បានបញ្ជាក់ថា៖ក្រោយពេលទទួលពត៌មានចុះទៅពិនិត្យឃើញថាស្ត្រីរងគ្រោះស្លាប់ដោយឆក់ចរន្តអគ្គីសនីជាប់និងសសរដែកផ្ទៈដោយខ្សែរដាច់កកេតជាប់សសរដែកទើបឆ្លងចរន្តឆក់ស្លាប់ ក្រោយពេលពិនិត្យហើយអោយសាច់ញាតិធ្វើបុណ្យតាមប្រពៃណីយ៍៕ដោយ៖ចន្ត្រា
