រាជធានីភ្នំពេញ ៖ កម្លាំងជំនាញផ្នែកព្រហ្មទណ្ឌ នៃអធិការដ្ឋាននគរបាលខណ្ឌឫស្សីកែវ បង្ក្រាបជនសង្ស័យចំនួន២នាក់ ជាក់ស្ដែងករណី លួចម៉ូតូ ( ប្រើដែកសំប៉ែតចុងស្រួចបុកទម្លុះកសោរម៉ូតូ ) ។

ប្រតិបតិការនេះ ធ្វើឡើងកាលពីវេលាម៉ោង ២ និង ៣៨នាទី ថ្ងៃទី២៣ ខែសីហា ឆ្នាំ២០២៣ នៅចំណុចបន្ទប់ជួលគ្មានលេខ ផ្លូវលំ ក្រុមទី១ ភូមិទួកថ្ងាន់ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ។

ជនសង្ស័យ ចំនួន ២នាក់ ដែលឃាត់ខ្លួននេះ រួមមាន៖

១- ជនសង្ស័យឈ្មោះ ពិន រដ្ឋា ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ( មានសារធាតុញៀន)។

២- ជនសង្ស័យឈ្មោះ ខិន ឌីណា ភេទប្រុស អាយុ២៦ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ ( មានសារធាតុញៀន) ។

ពេលនេះជនសង្ស័យខាងលើ កំពុងឃាត់ខ្លួនបណ្តោះអាសន្ន ដើម្បីកសាងសំណុំរឿងចាត់ការបន្តតាមច្បាប់ ៕