រាជធានីភ្នំពេញ ៖ បុរសម្នាក់បើករថយន្តព្រុសមួយគ្រឿង រេចង្កូតទៅបុកនឹងកង់បីឥណ្ឌា បណ្ដាលឲ្យក្រឡាប់ផ្ងារជើង រងរបួសស្រាល បង្កការភ្ញាក់ផ្អើល នៅវេលាម៉ោង ២រសៀល ថ្ងៃទី២៥ ខែសីហា ឆ្នាំ២០២៣ នៅចំណុចតាមបណ្ដោយផ្លូវ៩៧ ក្នុងសង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដមួយគ្រឿង បើកតាមបណ្ដោយផ្លូវ៩៧ ក្នុងទិសដៅពីត្បូងទៅជើង លុះមកដល់ចំណុចកើតហេតុ មិនដឹងយ៉ាងម៉េច ស្រាប់តែបានជាមួយ បុកកង់បីឥណ្ឌា មួយគ្រឿងទៀត បណ្តាលឲ្យ ក្រឡាប់ផ្ងារជើង មានអ្នករងរបួសស្រាល ។

ក្រោយកើតហើយ សមត្ថកិច្ចក៏បានមកដល់ ដោយបានឲ្យភាគីទាំងសងខាង ចរចារគ្នា ដើម្បីដោះស្រាយ បញ្ចប់រឿង នៅទីតាំងចំណុចកើតហេតុ ៕ Mrr Ka