រាជធានីភ្នំពេញ ៖ បុរសម្នាក់បើករថយន្ត Mazda BT50 មួយគ្រឿង បុករះ ត្រូវម៉ូតូជាច្រើនគ្រឿង និង បង្គោលស្លាកសញ្ញាពេទ្យធ្មេញ បណ្តោលអោយរងការខូចខាតយ៉ាងដំណំ បង្កការភ្ញាក់ផ្អើល កាលពីវេលាម៉ោង ១ទៀបភ្លឺ ឈានចូលថ្ងៃទី២៨ ខែសីហា ឆ្នាំ២០២៣ នៅចំណុចផ្លូវលេខ២៧១ ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ​។

តាមប្រភព ព័ត៌មានពីបងប្អូនប្រជាពលរដ្ឋ បានឲ្យដឹងថា គេបានឃើញបុរសម្នាក់ បើករថយន្ត Mazda BT50 មួយគ្រឿង បើកតាមបណ្ដាយផ្លូវ២៧១ ក្នុងទិសដៅពីត្បូងទៅជើង មកដល់ចំណុចកើតហេតុ រថយន្ដនេះ ក៏បានបើកបញ្ច្រាសផ្លូវ មកបុ...ករះ ត្រូវម៉ូតូជាច្រើនគ្រឿង និង បង្គោលស្លាកសញ្ញាពេទ្យធ្មេញ បណ្តោលអោយរងការខូចខាតយ៉ាងដំណំ រីឯម្ចាស់រថយន្ដបិទឡុក ដេកក្នុងរថយន្ដធ្វើមិនដឹងខ្លួន ។

ក្រៅពីកើតហេតុ សមត្ថកិច្ចក៏បានមកដល់ បានធ្វើការវាស់វែង យករថយន្តខាងលើ ទៅរក្សាទុកនៅ អធិការដ្ឋាននគរបាលខណ្ឌសែនសុខ ដើម្បីរង់ចាំការដោះស្រាយគ្នានៅពេលក្រោយទៀតតាមច្បាប់បន្តទៀត ៕ Mrr Ka