រាជធានីភ្នំពេញ ៖ បុរសម្នាក់បើករថយន្តស៊េរីទំនើបម៉ាក​ ALPHARD បុកម៉ូតូ​សណ្ដោង​រម៉ក​ ដែលកំពុងចតចោល បណ្ដាលរងការខូចខាត​ហើយរត់គេច ត្រូវបានប្រជាពលរដ្ឋដេញឃាត់បានមកវិញ កាលពីវេលាម៉ោង ​ ​១រំលងអាធ្រាត្រ​ ឈានចូល​ថ្ងៃ​ទី​២៩​ ខែសីហា​ ឆ្នាំ​២០២៣ នៅតាមបណ្ដោយផ្លូវ​ព្រះស៊ីសុវត្ថិ​ សង្កាត់​ជ័យ​ជំនះ​ ខណ្ឌ​ដូនពេញ រាជធានីភ្នំពេញ​។

តាមប្រភពព័ត៌មានពីបងប្អូន ប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសជនជាតិបរទេសម្នាក់ បើករថយន្ត​ ALPHARD មួយគ្រឿង ដែលពាក់ស្លាកលេខ ភ្នំពេញ​ 2BM-0699 ធ្វើដំណើរតាមបណ្ដោយផ្លូវព្រះស៊ីសុវត្ថិ ក្នុងទិសដៅពីត្បូងទៅជើង មកដល់កន្លែងកើតហេតុ ក៏បើកទៅបុកម៉ូតូ​សណ្ដោង​រម៉ក​ ដែលចតចោលពេញមួយទំហឹង បណ្ដាលរងការខូចខាត​ភ្លាមនោះ រត់គេច ត្រូវប្រជាពលរដ្ឋដេញឃាត់បាន​វិញ នៅម្ដុំផ្សាររាត្រី សំណាងល្អគ្មានអ្នកណាម្នាក់ រងរបួសនោះទេ។

ក្រោយកើតហេតុ សមត្ថកិច្ចក៏បានមកដល់ ដោយបានឲ្យម្ចាស់រថយន្ដ សងទៅខាងរម៉ក ចំនួន៣០០ដុល្លារ ដើម្បីបញ្ចប់គ្នានៅកន្លែងកើតហេតុ ៕ Mrr Ka