ខេត្តព្រះសីហនុ​៖​ ដោយមានការចង្អុលបង្ហាញពីលោកឧត្ដមសេនីយ៍ទោ ជួន ណារិន្ទ ស្នងការនគរបាលខេត្ដព្រះសីហនុ បានឲ្យកម្លាំងការិយាល័យនគរបាលព្រហ្មទណ្ឌកម្រិតស្រាល​ សហការជាមួយនឹងកម្លាំងការិយាល័យនគរបាលប្រឆាំងគ្រឿងញៀន នៃស្នងការដ្ឋាននគរបាលខេត្តព្រះសីហនុ​ ដោយមានការសម្របសម្រួលនិតិវិធីពីលោក ពេញ ពិសិដ្ឋព្រះរាជអាជ្ញារង នៃអយ្យការអមសាលាដំបូងខេត្តព្រះសីហនុ ធ្វើការបង្រ្កាបករណីរក្សាទុកដោយខុសច្បាប់នូវសារធាតុញៀនចំនួន ០១ករណី កាលពីវេលាម៉ោង ៤ល្ងាច ថ្ងៃទី២៨ ខែសីហាឆ្នាំ២០២៣ នៅចំណុចសណ្ឋាគារ ស៊ីងសាវ័ន ជាន់ទី២៧ បន្ទប់លេខ ២៧០៥ ស្ថិតក្នុងក្រុមទី១៧ ភូមិ៤​ សង្កាត់លេខ៤​ ក្រុង/ខេត្តព្រះសីហនុ ។

ជុំវិញការបង្ក្រាបនេះ សមត្ថកិច្ចឃាត់ខ្លួនជនសង្ស័យចំនួន ០៤​នាក់ ជនជាតិចិន​ រួមមាន៖

១.ឈ្មោះ​ TOU NI GE ER ភេទប្រុស ជនជាតិចិន​ មុខរបរ​មិនពិតប្រាកដ

២.ឈ្មោះ WU YUN BI LI GE ភេទប្រុស ជនជាតិចិន​ មុខរបរ​មិនពិតប្រាកដ

៣.​ឈ្មោះ​ FANG SHOU ភេទប្រុស​ ​ជនជាតិចិន​ មុខរបរ​មិនពិតប្រាកដ

៤.​ឈ្មោះ​ TAO HUAN ភេទប្រុស​ ​ជនជាតិចិន​ មុខរបរ​ មិនពិតប្រាកដ

ក្នុងនោះសមត្ថកិច្ចដកហូតវត្ថុតាងរួមមានដូចជា ៖

១.ម្សៅពណ៌ស និងថ្នាំកញ្ចប់ពណ៌ផ្ទៃមេឃ​សង្ស័យជាសារធាតុញៀនចំនួន ២៣កញ្ចប់។

២.​ម្សៅកញ្ចប់អក្សរ JIN TIAO​ សង្ស័យជាសារធាតុញៀនចំនួន​ ២៩​កញ្ចប់

៣.ថ្នាំកញ្ចប់ពណ៌ទឹកក្រូច អក្សរ CHALI សង្ស័យជាសារធាតុញៀនចំនួន​ ១៥​កញ្ចប់

៤.ថ្នាំកញ្ចប់ពណ៌ក្រហម អក្សរ FERRARI សង្ស័យជាសារធាតុញៀនចំនួន ០៨កញ្ចប់

៥.ថ្នាំកញ្ចប់ពណ៌ស​ លាយពណ៌មាស​ អក្សរ​ HUANG HELOU សង្ស័យជាសារធាតុញៀន​ ចំនួន​ ០៦​កញ្ចប់

៦.ថ្នាំកញ្ចប់ពណ៌មាស​ សញ្ញារូបនាគ​ សង្ស័យជាសារធាតុញៀន​ ចំនួន​ ២០​កញ្ចប់

៧.ថ្នាំកញ្ចប់ពណ៌ក្រហម​ សញ្ញារូបសេះ​ សង្ស័យជាសារធាតុញៀន​ ចំនួន​ ១១​កញ្ចប់​

៨.ថ្នាំកញ្ចប់ពណ៌លឿង​ អក្សរ​ OLD TOWN សង្ស័យជាសារធាតុញៀនចំនួន​ ១៣​ កញ្ចប់

៩.ជញ្ជីងថ្លឹងគ្រឿងញៀនចំនួន​ ០១​គ្រឿង

បច្ចុប្បន្នជនសង្ស័យទាំង ០៤​នាក់​ខាងលើ ត្រូវបានកម្លាំងការិយាល័យនគរបាលព្រហ្មទណ្ឌកម្រិតស្រាលកំពុងសាកសួរ​ដើម្បីបន្ដនីតិវិធី ៕