រាជធានីភ្នំពញ ៖ ម្ចាស់ម៉ូតូចិត្តល្អ ឃើញបុរសម្នាក់ដើរតាមផ្លូវ​ ខំឲ្យក្មួយជូនទៅចំណតរថយន្តផ្សារទន្លាប់ ដើម្បីរករថយន្តតាក់ស៊ីជិះ​ ស្រាប់តែបុរសរូបនោះ ជិះម៉ូតូឌុបទាំងក្មួយគាត់ តាំងពីខេត្តតាកែវ រហូតដល់មកដល់ភ្នំពេញ បំណងយកម៉ូតូ តែសំណាងក្មួយគាត់ តេទូរសព្ទប្រាប់អ៊ំ គ្រាន់តែលឺភ្លាម អ៊ំគាត់ក៏បើករថយន្តមកតាមទាន់នៅវត្តភ្នំ ក៏​ចាប់ប្រគល់ឲ្យសមត្ថកិច្ចតែម្ដង ។

​ហេតុការណ៍​នេះបានកើតឡើង កាលពីវេលាម៉ោង២យប់ ឈានចូលថ្ងៃទី៣០ ខែសីហា ឆ្នាំ២០២៣ នៅចំណុចម្តុំវត្តភ្នំ សង្កាត់វត្តភ្នំ ខណ្ឌដូនពេញ រាជធានីភ្នំពេញ ។

តាមប្រភពព័ត៌មានពីម្ចាស់ម៉ូតូ បានឲ្យដឹងថា មុនពេលកើតហេតុ​ គាត់មិនដែលស្គាល់គ្នានោះទេ អ៊ំគាត់បាន ឃើញបុរសម្នាក់ខាងលើនេះ ដើរតាមផ្លូវ ខំឲ្យក្មួយជូនទៅចំណតរថយន្តផ្សារទន្លាប់ ដើម្បីរករថយន្តតាក់ស៊ីជិះ​ ស្រាប់តែបុរសរូបនោះ ជិះម៉ូតូម៉ាកសង់សេ១២៥ ពាក់ស្លាកលេខ ភ្នំពេញ 1HY-1075 ឌុបទាំងក្មួយគាត់ តាំងពីខេត្តតាកែវ រហូតដល់មកដល់ភ្នំពេញ ម៉ូតូអស់សាំង ក៏ឲ្យម្ចាស់ម៉ូតូនេះដាក់ទូរសព្ទបញ្ចាំទៀត ទូរសព្ទគាត់ក៏ខូចទៀត គ្មានអីទាក់ទងទៅអ៊ំ ទាល់តែមកដល់វត្តភ្នំ ម៉ូតូអស់សាំងគាត់ក៏សុំអ្នករត់កង់បីសាកថ្មទូរសព្ទ ហើយតេទៅប្រាប់អ៊ំ ទើបអ៊ំគាត់បើករថយន្តមកតាមទាន់នៅវត្តភ្នំ ក៏​ចាប់ប្រគល់ឲ្យសមត្ថកិច្ចតែម្ដង ។

ក្រោយពេលកើតហេតុ សមត្ថកិច្ចក៏បានមកដល់ បានឲ្យម្ចាស់ម៉ូតូ ដឹកទាំងម៉ូតូ ដឹកទាំងជនសង្ស័យ យកទៅសមត្ថកិច្ចខេត្តតាកែវវិញ ដើម្បីបន្ដនិតិវិធីច្បាប់ ៕ Mrr Ka