រាជធានីភ្នំពេញ ៖ បុរសម្នាក់ បើករថយន្ដព្រូស មួយគ្រឿង បុកគ្នាជាមួយម៉ូតូឌ្រីមសេ១២៥ ក្នុងទិសដៅបញ្ច្រាសទិសគ្នាពេញទំហឹង បណ្ដាលអោយម្ចាស់ម៉ូតូផ្លោងធ្លាក់ពីលើស្ពានចុះមកក្រោម ស្លាប់យ៉ាងអាណោចអាធ័ម ។
ហេតុការណ៍នេះបានកើតឡើងនាវេលាម៉ោង១០យប់ ថ្ងៃទី២៩ ខែកក្កដា ឆ្នាំ២០២៣ លើស្ពានអាកាសចោមចៅ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញ បុរសបើករថយន្ដព្រូស ដែលពាក់ស្លាកលេខ ភ្នំពេញ 2BT-1663 បានបើកឡើងស្ពានអាកាសចោមចៅ ក្នុងទិសដៅពីជើងទៅត្បូង មកដល់ជិតពាក់កណ្ដាលស្ពាន ក៏មានបុរសម្នាក់ជិះម៉ូតូឌ្រីម សេ១២៥ ដែលពាក់ស្លាកលេខ ពោធិ៍សាត់ 1J-0868 សង្ស័យជិះបញ្រ្ចាសទិសលើស្ពាន ក៏បានបុកពេញទំហឹង បណ្ដាលឲ្យម្ចាស់ម៉ូតូផ្លោងធ្លាក់ពីលើស្ពាន ចុះមកក្រោម ស្លាប់យ៉ាងអាណោចអាធ័ម ក្រោយបញ្ជូនទៅដល់មន្ទីរពេទ្យ ខណៈម៉ូតូនិងរថយន្តវិញ ខ្ទេចយ៉ាងដំណំ ។ រីឯអ្នកបើកបររថយន្ត ភ្លាមៗបានបើកទ្វារចុះគេចខ្លួនបាត់ស្រមោល ។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកវាស់វែង យករថយន្ដនិងម៉ូតូ ទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំការដោះស្រាយនៅពេលក្រោយតាមច្បាប
និងប្រគល់សពឲ្យសាច់ញាតិធ្វើបុណ្យតាមប្រពៃណី ៕ Mrr Ka
_copy.jpg?1693362684)
