រាជធានីភ្នំពេញ ៖ បុរសម្នាក់ បើករថយន្តព្រូសមួយគ្រឿង បុកឡើងរង្វង់មូលសួនច្បារទី២ នៅមហាវិថីឈ្នះៗ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ២យប់ ឈានចូលថ្ងៃទី៥ ខែកញ្ញា ឆ្នាំ២០២៣ នៅចំណុចមហាវិថីឈ្នះឈ្នះ ក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តម៉ាកព្រូសមួយគ្រឿង ដែលពាក់ស្លាកលេខ ភ្នំពេញ 2AU 1640 ធ្វើដំណើរតាមមហាវិថីឈ្នះៗ ក្នុងទិសដៅពីលិចទៅកើត មកដល់រង្វង់មូលសួនច្បារទី២ រថយន្តក៏បានបើកបំបុកឡើងរង្វង់មូលសួនច្បារនោះ បណ្ដាលអោយរថយន្តនៅរងការខូចខាតយ៉ាងដំណំ ។ រីឯសួនច្បារ រងការខូចខាតមួយចំហៀងរង្វង់មូលយ៉ាងដំណំ ។

ក្រោយពេលកើតហេតុ សមត្ថកិច្ចក៏បានមកដល់ បានទំនាក់ទំនងឲ្យសមត្ថកិច្ចជំនាញចរាចរណ៍របស់អធិការដ្ឋាននគរបាលខណ្ឌជ្រោយចង្វារ ធ្វើការវាស់វែង ស្ទូចរថយន្តទៅរក្សាទុក នៅឯអធិការដ្ឋាននគរបាលខណ្ឌជ្រោយចង្វារ ដើម្បីធ្វើការដោះស្រាយគ្នានៅពេលក្រោយតាមច្បាប់បន្តទៀត ៕ Mrr Ka