រាជធានីភ្នំពេញ​៖ បុរសម្នាក់បើករថយន្តFord Ranger មួយគ្រឿង ទៅបុកបារ៉ាស់ការដ្ឋានសាងសង់មួយកន្លែង បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១២យប់ ឈានចូលថ្ងៃទី៦ ខែកញ្ញា ឆ្នាំ២០២៣ នៅតាមបណ្តោយផ្លូវបេតុង ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្តFord Ranger គ្មានស្លាកលេខមួយគ្រឿង តាមបណ្ដោយផ្លូវបេតុង ក្នុងទិសដៅពីជើងទៅត្បូង លុះដល់ចំណុចកើតហេតុ រថយន្ដនេះ ក៏បើកទៅបុកបារ៉ាស់ការដ្ឋានសាងសង់ បណ្ដាលឲ្យរងការខូចខាតយ៉ាងដំណំ។

ក្រោយកើតហេតុ សមត្ថកិច្ចជំនាញចរាចរណ៍ បានមកដល់ ដោយបានធ្វើការវាស់វែង យករថយន្តខាងលើ ទៅរក្សាទុក នៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ រង់ចាំម្ចាស់ចូលទៅដោះស្រាយតាមផ្លូវច្បាប់ ៕ Mrr Ka