រាជធានីភ្នំពេញ ៖ បុរសម្នាក់បើករថយន្ដស៊េរីទំនើប Luxes 300h បានបុកគ្នាជាមួយរថយន្ដដឹកទំនិញធន់ធំ បណ្ដាលអោយរងការខូចខាតយ៉ាងដំណំ កាលពីវេលាម៉ោង ៤ទៀបភ្លឺ ថ្ងៃទី៧ ខែកញ្ញា ឆ្នាំ២០២៣ នៅចំណុចតាមបណ្ដោយផ្លូវ២៨៣ កែង ផ្លូវ ៥២៨ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋបានអោយដឹងថា មុនពេលកើតហេតុ គេឃើញ បុរសម្នាក់បើករថយន្ដស៊េរីទំនើប Luxes 300h មួយគ្រឿង ដែលពាក់ស្លាក់លេខភ្នំពេញ 2BN 2018 ធ្វើដំណើរបានបុកគ្នាជាមួយនិងរថយន្ដដឹកទំនិញធន់ធំមួយគ្រឿថ ដែលពាក់ស្លាកលេខ ភ្នំពេញ 3D 3425 បណ្ដាលអោយរងការខូចខាតយ៉ាងដំណំ សំណាងល្អ គ្មាននរណាម្នាក់ រងរបួសនោះទេ ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការនគរបាលរាជធានីភ្នំពេញ បានចុះមកធ្វើការវាស់វែង ស្ទូចរថយន្តខាងលើ ទៅរក្សាទុកនៅឯស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នាពេលក្រោយតាមច្បាប់បន្តទៀត៕ Mrr Ka