អន្តរជាតិ៖ សារព័ត៌មាន Aljazeera បានចេញផ្សាយនៅថ្ងៃទី២៧ ខែមេសា ឆ្នាំ២០២១ បានឲ្យដឹងថា ចំនួនអ្នកស្លាប់ដោយសារ ជំងឺឆ្លងវីរុសកូវីដ១៩ នៅ ប្រទេសឥណ្ឌា ជិតឈានដល់ចំណុចដ៏អាក្រក់ បំផុត ២០០.០០០(២សែននាក់) ជាមួយនឹងអ្នកស្លាប់ ២.៧៧១នាក់បន្ថែម ទៀតត្រូវបានគេរាយការណ៍ ។
ក្នុងរយៈពេល ២៤ ម៉ោងកន្លងមកនេះ ប្រទេសឥណ្ឌាបានកត់ត្រាករណីថ្មីចំនួន ៣២៣.១៤៤ ករណីនៅថ្ងៃ អង្គារនេះ ក្រោមកម្រិតខ្ពស់បំផុតនៅទូទាំងពិភពលោក ចំនួន ៣៥២.៩៩១បានកើតឡើងកាលពីថ្ងៃច័ន្ទ ដោយមន្ទីរពេទ្យបានបដិសេធអ្នកជម្ងឺដោយសារកង្វះគ្រែនិងការផ្គត់ផ្គង់អុកស៊ីសែន។
ប្រទេសឥណ្ឌា ដែលមានប្រជាជនប្រមាណ ១,៣ពាន់លាននាក់ បានរាយការណ៍ថា រហូតមកដល់ពេលនេះមានការឆ្លងចំនួន ១៧,៦៤ លាននាក់នៃការឆ្លងមេរោគកូវីដ១៩ និងចំនួនអ្នកស្លាប់ ១៩៧.៨៩៤ នាក់ ប៉ុន្តែអ្នកជំនាញជឿជាក់ថា ចំនួនសរុបកើនឡើងខ្ពស់។
លោក Rijo M John សាស្រ្តាចារ្យនិងសេដ្ឋវិទូផ្នែកសុខភាពនៅវិទ្យាស្ថានគ្រប់គ្រងឥណ្ឌា នៅរដ្ឋ Kerala ភាគខាងត្បូង បាននិយាយថា« សូមកត់សម្គាល់ថា ការធ្លាក់ចុះដ៏ធំនៅក្នុងករណីប្រចាំថ្ងៃ…ភាគច្រើនគឺមកពីការធ្លាក់ចុះយ៉ាងខ្លាំងនៃការធ្វើតេស្ត»។
រដ្ឋាភិបាលឥណ្ឌា បានអំពាវនាវឱ្យកងកម្លាំងប្រដាប់អាវុធរបស់ខ្លួនជួយដោះស្រាយវិបត្តិដ៏សាហាវនេះ។
នាយសេនាធិការកងទ័ពការពារជាតិឧត្តមសេនីយ៍ លោក Bipin Rawat បាននិយាយកាលពីល្ងាចថ្ងៃចន្ទថា អុកស៊ីសែននឹងត្រូវបានដោះចេញពីទុនបម្រុងរបស់កងកម្លាំងប្រដាប់អាវុធ ហើយបុគ្គលិកពេទ្យដែលចូលនិវត្តន៍នឹងចូលរួមក្នុងមណ្ឌលសុខភាពដែលកំពុងតស៊ូប្រយុទ្ធនិងការកើនឡើង ។
ថ្លែងទៅកាន់លោកនាយករដ្ឋមន្រ្តី ណារិនដ្រា ម៉ូឌី អំពីការត្រៀមរបស់កងទ័ព ដើម្បីដោះស្រាយវិបត្តិ លោកRawatបាននិយាយថា ស៊ីឡាំងអុកស៊ីសែនណាមួយដែលយោធានឹងត្រូវបង្វែរទៅមន្ទីរពេទ្យ ដែលត្រូវការ សង្គ្រោះជីវិត។
យោងតាមសេចក្តីថ្លែងការណ៍របស់រដ្ឋាភិបាល បានឱ្យដឹងថា មន្រ្តីពេទ្យដែលចូលនិវត្តន៍ផ្សេងទៀត ត្រូវបានគេជំរុញឱ្យផ្តល់ការពិគ្រោះយោបល់តាមរយៈជំនួយបន្ទាន់។
បុគ្គលិកគិលានុប្បដ្ឋាយិកានិងមន្រ្តីពេទ្យ ស្តីពីការតែងតាំងបុគ្គលិកនៅទីបញ្ជាការយោធា នឹងត្រូវដាក់ពង្រាយដើម្បីគាំទ្របុគ្គលិកសុខាភិបាលដែលមានចំនួនច្រើនពេក។
«រយៈពេល ៧ ថ្ងៃ ពួកយើងភាគច្រើនមិនបានដេកលក់ទេ។ ដោយសារតែភាពខ្វះខាត យើង ត្រូវបានបង្ខំឱ្យដាក់អ្នកជំងឺ២នាក់លើស៊ីឡាំងមួយ ហើយនេះគឺជាដំណើរការដែលត្រូវការពេលវេលា ពីព្រោះយើងមិនមានបំពង់វែងនោះទេ»។
នៅក្នុងទីក្រុងមួយចំនួនដែលរងគ្រោះខ្លាំងបំផុតនៅឥណ្ឌាសាកសពត្រូវបាន គេបូជា នៅក្នុងកន្លែងបណ្តោះអាសន្ននៅក្នុងឧទ្យាននិងចំណតរថយន្ត។
លោក R Ashoka រដ្ឋមន្រ្តីនៅរដ្ឋ Karnataka ភាគខាងត្បូង បានប្រាប់បណ្តាញទូរទស្សន៍ NDTV របស់ប្រទេសឥណ្ឌាថា រដ្ឋាភិបាលក្នុងតំបន់កំពុងកំណត់ដីសម្រាប់បូជាសព បណ្តោះអាសន្ននៅជាយក្រុងនៃរដ្ឋ Bengaluru៕
ប្រភព៖ Aljazeera ប្រែសម្រួល៖ នង ណារិន
