មុខសញ្ញាក្មេងទំនើង២នាក់ ត្រូវសមត្ថកិច្ចឃាត់ខ្លួនយកមកអប់រំណែនាំ កោរសក់ទុកជាការព្រមាន និងឲ្យលុតជង្គង់សំពះអ្នកមានគុណ
សន្តិសុខសង្គម
57

ខេត្តស្វាយរៀង ៖ មុខសញ្ញាក្មេងទំនើងចំនួន២នាក់ ត្រូវសមត្ថកិច្ចប្រទះឃើញ ឃាត់ខ្លួន យកមកអប់រំណែនាំ កោរសក់ទុកជាការព្រមាន និងឲ្យលុតជង្គង់សំពះអ្នកមានគុណ ។ នេះបើយោងតាមផេកផ្លូវការរបស់អធិការដ្ឋាននគរបាលស្រុកស្វាយជ្រំ ។

សូមបញ្ជាក់ថា កាលពីថ្ងៃទី៣១ ខែមីនា ឆ្នាំ២០២៥ វេលាម៉ោង២៣និង៣០នាទី កម្លាំងប៉ុស្តិ៍នគរបាលរដ្ឋបាលក្រោលគោ បានធ្វើការល្បាតចល័តតាមភូមិសាស្ត្រក្នុងមូលដ្ឋាន បានប្រទះឃើញ និងឃាត់ខ្លួនមុខសញ្ញាក្មេងទំនើងចំនួន២នាក់ នៅត្រង់ចំនុចខាងជើងក្លោងទ្វារវត្តបឹងរ៉ៃ ស្ថិតភូមិព្រៃខ្លា ឃុំក្រោលគោ ស្រុកស្វាយជ្រំ។

ភ្លាមនោះកម្លាំងជំនាញនៃអធិការដ្ឋានគរបាលស្រុកស្វាយជ្រំ សហការជាមួយកម្លាំងប៉ុស្តិ៍នគរបាលរដ្ឋបាលក្រោលគោ បានធ្វើនាំខ្លួនមុខសញ្ញាក្មេងទំនើងទាំង២នាក់ មកកាន់អធិការដ្ឋាននគរបាលស្រុកស្វាយជ្រំ ដើម្បីអប់រំ ណែនាំ ធ្វើកិច្ចសន្យា និងធ្វើតេស្តស្វែងរកសារធាតុញៀន ជាលទ្ធផលអវិជ្ជមាន(-) ព្រមទាំងអោយអាណាព្យាបាលធ្វើ លិខិតសុំធានាយកទៅអប់រំ កែប្រែនៅផ្ទះបន្ត។

សូមបញ្ជាក់ថា មុខសញ្ញាក្មេងទំនើងទាំងពីរមាន៖

១.ឈ្មោះ ផ.ម ភេទប្រុស អាយុ១៧ឆ្នាំជនជាតិខ្មែរ មុខរបរ កសិករ មានទីលំនៅភូមិត្បែង ឃុំព្រៃឈ ស្រុកកំពង់ត្របែក ខេត្តព្រៃវែង ។

២.ឈ្មោះ ឈ.ស.ភ ភេទប្រុស អាយុ ២០ឆ្នាំជនជាតិខ្មែរ មុខរបរ កសិករ មានទីលំនៅភូមិត្បែង ឃុំព្រៃឈ ស្រុកកំពង់ត្របែក ខេត្តព្រៃវែង ៕


Telegram