រាជធានីភ្នំពេញ ៖ ជនសង្ស័យម្នាក់ សមត្ថកិច្ចបញ្ជាក់ថា ជាមុខសញ្ញាចាស់ ទើបតែចេញពីពន្ធនាគារបានតែជាង១ខែតែប៉ុណ្ណោះ ត្រូវកម្លាំងនគរបាលប៉ុស្តិ៍ច្បារអំពៅទី២ នៃអធិការដ្ឋាននគរបាលខណ្ឌច្បារអំពៅ ចាប់ឃាត់ខ្លួនសារជាថ្មី ករណីជួញដូរដោយខុសច្បាប់នូវសារធាតុញៀន ។
ការបង្ក្រាបនេះធ្វើឡើងនៅវេលាម៉ោង ៧និង៥០ នាទីយប់ ថ្ងៃទី ៣១ ខែមីនា ឆ្នាំ២០២៥ នៅចំណុចមុខផ្ទះគ្មានលេខ ផ្លូវបេតុង ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យរូបនេះមានឈ្មោះ យ៉ានប្រុសដែន ភេទ ប្រុស អាយុ ១៨ ឆ្នាំ មុខរបរមិនពិតប្រាកដ មានទីលំនៅ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ដកហូតបាន ក្រាមពណ៌សថ្លាចំនួន ០២ កញ្ចប់ថង់តូច ។
បច្ចុប្បន្នជនសង្ស័យខាងលើត្រូវបានសមត្ថកិច្ចធ្វើការសាកសួរបញ្ជូនខ្លួនទៅកាន់ អធិការដ្ឋាននគរបាលខណ្ឌច្បារអំពៅ ដើម្បីកសាងសំណុំរឿងបន្តចាត់ការតាមនីតិវិធីច្បាប់៕
