រាជធានីភ្នំពេញ ៖ គ្រោះថ្នាក់ចរាចរណ៍មួយបានកើតឡើង រវាងបុរសម្នាក់បើករថយន្ត​ Starex មួយគ្រឿង បុកជាមួយរថយន្ត​ Ford ECOSPORT ខ្ទាតទៅបុកស្លាកសញ្ញាបង្ហាញផ្លូវ បណ្ដាលរងការខូចខាត​ បង្កការភ្ញាក់ផ្អើលនៅវេលាម៉ោង​ ៤ទៀបភ្លឺ​ ​ថ្ងៃ​ទី​១៩​ ខែវិច្ឆិកា​ ឆ្នាំ​២០២៣ នៅតាមបណ្ដោយផ្លូវ​២៩៤​ កែង៦៣​ ក្នុងសង្កាត់​បឹងកេងកង​ទី១​ ខណ្ឌ​បឹងកេងកង​​​ រាជធានី​ភ្នំពេញ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ Starex មួយគ្រឿង ដែលពាក់ស្លាកលេខ ភ្នំពេញ​ 2AZ-1765 បើកតាមបណ្ដោយផ្លូវ ២៩៤ ក្នង​ទិសដៅ​ពី​លិចទៅកើត លុះមកដល់ផ្លូវបំបែក ក៏បុកជាមួយរថយន្ត​ Ford ECOSPORT ពាក់ស្លាកលេខភ្នំពេញ​ 2BI-7008 ហើយខ្ទាតបុកស្លាកសញ្ញាបង្ហាញផ្លូវ បណ្ដាលរងការខូចខាត​យ៉ាងដំណំ​។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្តទៅរក្សាទុក រង់ចាំដោះស្រាយនៅពេលក្រោយ​ តាមច្បាប់បន្តទៀត ៕ Mrr Ka