រាជធានីភ្នំពេញ​៖ ដោយទទួលបទបញ្ជាពីឯកឧត្តម នាយឧត្តមសេនីយ៍ ម៉ៅ សុផាន់ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ឯកឧត្តម ឧត្តមសេនីយ៍ទោ ស៊ុំ សំណាង មេបញ្ជាការបញ្ជាការដ្ឋានទ័ពពិសេស បានដឹកនាំកម្លាំងជំនាញឯកទេសមុជទឹក និងសង្គ្រោះចំនួន២០នាក់ ចុះជួយរុករកសាកសពអ្នកលង់ទឹក ក្នុងពិធីប្រណាំងទូក នៅខេត្តកំពង់ស្ពឺ កាលពីថ្ងៃទី១៨ ខែវិច្ឆិកា ឆ្នាំ២០២៣ កន្លងទៅ ។

សូមបញ្ជាក់ថា សពយុវជន ខាងលើ ត្រូវបានរកឃើញនៅវេលាម៉ោង១១និង០៩នាទី ថ្ងៃទី២០ ខែវិច្ឆិកា ឆ្នាំ២០២៣ នៅខាងក្រោមស្ពានរង្វង់មូលផ្លែត្នោតចម្ងាយ២០ម៉ែត្រ ស្ថិតក្នុងភូមិសាស្ត្រ ភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។

សពយុវជនខាងលើ គឺជាកីឡាករចំណុះទូកង មានឈ្មោះ វី សម្ភាស់ អាយុ១៨ឆ្នាំ មានស្រុកកំណើតនៅសង្កាត់ឃ្មួញ ខណ្ឌសែនសុខ រាជធានីភ្នំពេញ។ សូមចូលរួមរំលែកទុក្ខផង ៕ មេសា