យោងតាមផេកផ្លូវការរបស់ រដ្ឋបាលខេត្តសៀមរាប​បានបង្ហោះឲ្យដឹងថា រដ្ឋបាលខេត្តសៀមរាប និងសហភាពសហព័ន្ធយុវជនកម្ពុជា​ ខេត្តសៀមរាប បាននឹងកំពុងរៀបចំសោភ័ណស្ទឹងសៀមរាប​ ត្រៀមនឹងអបអរព្រះរាជពិធីបុណ្យអុំទូក​ បណ្តែតប្រទីប​ និងសំពះព្រះខែ​ អកអំបុក

ក្រុមការងារដ្ឋបាលខេត្ត​ និងក្រុមការងារសហភាពសហព័ន្ធយុវជនកម្ពុជា​ ខេត្តសៀមរាបបាននឹងកំពុងរៀបចំសោភ័ណស្ទឹងសៀមរាប​ ក៏ដូចជាក្រុងសៀមរាប​ ដើម្បីត្រៀមទទួលបងប្អូនប្រជាពលរដ្ឋមកលេងកម្សាន្តនាឱកាសព្រះរាជពិធីបុណ្យអុំទូក​ បណ្តែតប្រទីប​ និងសំពះព្រះខែ​ អកអំបុកដែលនឹងប្រព្រឹត្តទៅរយៈពេល​ ៤ថ្ងៃ​ ចាប់ពីថ្ងៃទី២៥​ ដល់ថ្ងៃទី២៨​ ខែវិច្ឆិកា​ ឆ្នាំ២០២៣នេះ​ នៅតាមបណ្តោយស្ទឹងសៀមរាបចាប់ពីស្ពានអតីតមន្ទីរទេសចរណ៍រហូតដល់ស្ពានអាងក្រពើដែលមានកម្មវិធីជាច្រើនដូចជា​ ពិធីប្រណាំងទូក​ ប្រកួតទូកមិត្តភាព​ ដាល់អំបុក​ បណ្តែតប្រទីប​ ប្រដាល់គុនខ្មែរអន្តរជាតិ​ ប្រគុំតន្ត្រី​ ជិះទូកលេង​ ផ្សារបណ្តែទឹក​ ធីពិរព័ណ៍ម្ហូបអាហារ​ កម្មវិធីលែងល្បែងកំសាន្ត កញ្ញាធ្លាក់ទឹក ប្រដាល់ធ្លាក់ទឹក ដើរខ្សែពួរ និងជិះកង់លើក្តារ​ និងកម្មវិធីផ្សេងៗទៀត។

សូមបងប្អូនអញ្ជេីញចូលរួមទស្សនា​ និងមកលេងកម្សាន្តឱ្យបានច្រើនកុះករ ៕