ខេត្តកណ្តាល ៖ ជនសង្ស័យ២នាក់ ក្នុងចំណោមបក្ខពួក៤នាក់ ដែលជាមុខសញ្ញា ទិញថ្នាំញៀនយកមកចែកចាយយ៉ាងសកម្ម ក្នុងមូលដ្ឋាន ត្រូវបានកម្លាំងជំនាញផ្នែកប្រឆាំងបទល្មើសគ្រឿងញៀន ដឹកនាំបញ្ជាដោយលោកវរសេនីយ៍ឯក ព្រំ សំណាង អធិការនគរបាលស្រុក ស្រាវជ្រាវបង្ក្រាបឃាត់ខ្លួនបាន ដកហូតបានវត្ថុតាងមួយចំនួន ។

ការបង្ក្រាបនេះបានធ្វើឡើងកាលពីវេលាម៉ោង ១១និង៥០នាទី ថ្ងៃទី២៣ ខែវិច្ឆិកា ឆ្នាំ២០២៣ ក្នុងភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល។

សមត្ថកិច្ចបានឲ្យដឹងថា ជនសង្ស័យទាំង៤នាក់ រួមមាន ៖

១- ឈ្មោះ ជា ជាតិ ភេទប្រុស អាយុ ៣២ឆ្នាំមុខរបរ មិនពិត  មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (ឃាត់ខ្លួន)

២- ឈ្មោះ ជា ពិន ភេទប្រុសអាយុ ២៣ ឆ្នាំមុខរបរ មិនពិតប្រាកដ មានទីលំនៅភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (ឃាត់ខ្លួន)

៣- ឈ្មោះ ជា ពីន ភេទប្រុស  អាយុ៣០ឆ្នាំមុខរបរ មិនពិតប្រាកដ មានទីលំនៅ ភូមិរាំងដេក ឃុំគគីរធំ ស្រុកកៀនស្វាយ ខេត្តកណ្តាល (គេចខ្លួន)

៤-ឈ្មោ ថន ថៃសេង (ហៅ ទ្រី) ភេទប្រុស អាយុ ២២ឆ្នាំ មុខរបរ មិនពិត មានទីលំនៅ ភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាល (គេចខ្លួន)។

ក្នុងនោះសមត្ថកិច្ចធ្វើការដកហូតបាន វត្ថុតាងចាប់យករួមមាន៖

១-ម្សៅក្រាមពណ៍សថ្លាសង្សយ័ជាសារធាតុញៀន(ម៉ាទឹកកក)ចំនួន០២កញ្ចប់(តូច០១ មធ្យម០១)

២-សម្ភារៈប្រើប្រាស់និងវេចខ្ចប់ថ្នាំញៀនមួយចំនួន

៣-ទូរសព្ទ០៤គ្រឿង(ម៉ាកOppo ០៣គ្រឿង ម៉ាក vipro ០១គ្រឿង

៤- ម៉ូទ័រឆក់ ០១គ្រឿង

៥- ខ្សែរលួស០១ដុំ ។

សូមបញ្ជាក់ថា មុននឹងឈានដល់ការបង្ក្រាបខាងលើ ដោយទទួលព័ត៌មានពីប្រជាពលរដ្ឋល្អ ថាមានសកម្មភាពជួញដូរគ្រឿងញៀន នៅចំណុចផ្ទះ របស់ឈ្មោះ ជា ជាតិ ។ ក្រោយពីទទួលព័ត៌មានបានភ្លាម

កម្លាំងជំនាញប្រឆាំងបទល្មើសគ្រឿងញៀនស្រុកកៀនស្វាយ សហការជាមួយប៉ុស្តិ៍នគរបាលរដ្ឋបាលគគីរធំ បានចុះដល់ចំណុចកើតហេតុ ឃាត់ខ្លួនជនសង្ស័យចំនួន០២នាក់ ទី១. ឈ្មោះ ជា ជាតិ  ទី២.ឈ្មោះ ជា ពិន ហើយសមត្ថកិច្ចបានធ្វើការឆែកឆែរ រកឃើញម្សៅក្រាមពណ៌សថ្លាសង្ស័យសារធាតុញៀន (ម៉ាទឹកកក)ចំនួន០២កញ្ចប់ (តូច០១ មធ្យម០១) និងសម្ភារៈវេចខ្ចប់ថ្នាំញៀនមួយចំនួន ។ ចំណែកឈ្មោះ ជា ពីន និងឈ្មោះ ថន ថៃសេង(ហៅទ្រី) ភេទប្រុស បានយកថ្នាំញៀនចំនួន០១កញ្ចប់ធំ រត់គេចខ្លួនទៅក្រោយផ្ទះបាត់។

ក្រោយឆែកឆេររួច សមត្ថកិច្ចបានយកជនសង្ស័យទាំង០២នាក់ មកសួរនាំនៅប៉ុស្តិ៍នគរបាលគគីរធំ នៅចំពោះមុខសមត្ថកិច្ចជនសង្ស័យឈ្មោះ ជា ជាតិ និងឈ្មោះ ជា ពិន បានសារភាពថា ថ្នាំញៀនដែលសមត្ថកិច្ចដកហូតបានគឺជារបស់ឈ្មោះ ជា ពីន ដែលទុកអោយពួកខ្លួនលក់នៅផ្ទះ ហើយថ្នាំញៀនដែលឈ្មោះ ជា ពីន ទុកអោយខ្លួននោះ គឺទិញពីឈ្មោះ ថន ថៃសេង(ហៅទ្រី) អាយុ ប្រហែល២២ឆ្នាំ មានទីលំនៅ ភូមិពោធិ៍មៀវ ឃុំគគីរធំ ស្រុកកៀនស្វាយ ខេត្តកណ្តាល ហើយ ឈ្មោះ ជា ជាតិ បានសារភាពបន្ថែមទៀតថា ខ្លួនបានរាយខ្សែរលួសជុំវិញរបងផ្ទះ ដើម្បីឆក់មនុស្សណាចូលមករកទិញថ្នាំញៀន មិនអោយលុយ និងមករញ៉េរញ៉ៃក្នុងផ្ទះ និងទុកការពារខ្លួននៅពេលដែលសមត្ថកិច្ចចុះមកបង្ក្រាបថែមទៀត។

ក្រោយពីសួរនាំរួចជនសង្ស័យទាំង ០២នាក់ រួមទាំងវត្ថុតាងបានបញ្ចូនមកអធិការដ្ឋាននគរបាលស្រុកកៀនស្វាយដើម្បីអនុវត្តន៍តាមនិតិវិធី ៕ អែល វិចិត្រ