រាជធានីភ្នំពេញ ៖ អគ្គិភ័យមួយបានឆាបឆេះផ្ទះប្រជាពលរដ្ឋមួយកន្លែង បង្កការភ្ញាក់ផ្អើលដល់សមត្ថកិច្ច និងរថយន្តពន្លត់អគ្គិភ័យចុះមកធ្វើការបាញ់ពន្លត់ កាលពីវេលាម៉ោង ៨និង៤០នាទីព្រឹក ថ្ងៃសៅរ៍ទី០២ ខែធ្នូ ឆ្នាំ២០២៣ ចំណុចផ្ទះគ្មានលេខផ្លូវ៥៣បេតេ ក្រុម៧ ភូមិក្បាលទំនប់៣ សង្កាត់បឹងទំបន់២ ខណ្ឌមានជ័យ រាជធានីភ្នំពេញ។

សមត្ថកិច្ចបានឲ្យដឹងថា ម្ចាស់ផ្ទះមានឈ្មោះ យន់ បញ្ញា ភេទប្រុស អាយុ ៣០ឆ្នាំ ជនជាតិ ខ្មែរ មុខរបរបុគ្គលិកក្រុមហ៊ុន  ។ ចំណែកជាងផ្សារដែក ឈ្មោះ ម៉ែន ណារ៉ុង ភេទ ប្រុស អាយុ៤៣ឆ្នាំ ជនជាតិខ្មែរ  មុខរបរ ជាងផ្សារដែក ស្នាក់នៅផ្ទះលេខ៤៣៩ ផ្លូវលេខ២៤បេតេ ភូមិត្នោជ្រុំ សង្កាត់បឹងទំពន់ទី២ ខណ្ឌមានជ័យ រាជធានីភ្នំពេញ ។

ចំណែកមូលហេតុ បណ្តាលមកពី ជាងផ្សារដែកធ្លាក់កម្ទេចធូបផ្សារបង្កជាអគ្គិភ័យ ឆេះសំណង់ប្រភេទ  ថ្មបេតុង ទំហំ ០៥ម៉ែត្រ X ១២ម៉ែត្រ , ឆេះបន្ទប់ជាន់ឡៅតឿចំនួន ០១បន្ទប់ និងសម្ភារៈប្រើប្រាស់ប្រចាំថ្ងៃក្នុងបន្ទប់ អស់ទាំងស្រុង និងបានបណ្តាលឲ្យបុរសម្នាក់ ឈ្មោះ ស ចាន់តារ៉ា ភេទប្រុស អាយុ ២៥ មុខរបរ បុគ្គិលក្រុមហ៊ុន រងរបួស ។

ភ្លាមៗក៏មានការអន្តរាគមន៍បាញ់ពន្លត់ ពីខាងរថយន្តការិយាល័យអគ្គិភ័យ​ :ចំនួន ០៣គ្រឿង ប្រើប្រាស់ទឹកអស់ចំនួន ០៣ឡាន ស្មើរនឹង  ១២ម៉ែត្រគូប និងមានរថយន្តជំនួយ ពីខាងរថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ០៦ម៉ែត្រគូប ទើបរលត់ទៅវិញ នៅម៉ោង៩និង៣០នាទីព្រឹក នាថ្ងៃខែ ឆ្នាំដដែល ៕ អែល វិចិត្រ