រាជធានីភ្នំពេញ៖ ក្មេងប្រុសអាយុ ៦ឆ្នាំម្នាក់ បានបាត់ខ្លួនខណៈពេល ដែល ជិះកង់ជាមួយបង ប្រុស អាយុ ១១ ឆ្នាំ ហើយ បានរអិល កង់ ដួលធ្លាក់ចូលទៅក្នុងប្រឡាយអូវែង ដែលមានទឹកហូរនិងព្រៃស្មៅ បង្កការភ្ញាក់ផ្អើលកាលពីវេលាម៉ោងប្រមាណ ២និង៣០នាទីរសៀលថ្ងៃទី០១ ខែធ្នូ ឆ្នាំ ២០២៣ នៅចំណុច ប្រឡាយ អូរវែងដែលស្ថិតនៅខាងត្បូង វត្តទួលសន្តិវ័ន ហៅវត្តទួលអស់លោក ក្នុងភូមិ បឹងសាឡាង សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
ឪពុក លោកយាយ និងសាច់ញាតិ បានរៀបរាប់ទាំងក្តីទុក្ខសោកថា ក្មេងរងគ្រោះដែលបាត់ខ្លួន ឈ្មោះ សុខ វិឆ្ឆិកា ហៅប៊ី ភេទប្រុសអាយុ ៦ឆ្នាំ ដែលមានឪពុក ឈ្មោះ ទុយ សុវណ្ណរ៉ា អាយុ៣២ឆ្នាំ មានលំនៅម្តុំសាលាបឋមសិក្សាពញ្ញាក្រែក សង្កាត់ទួលសង្កែទី១ខណ្ឌឬស្សីកែវ រាជធានីភ្នំពេញ។
តាមព័ត៌មានអោយដឹងថា នៅមុនពេលកើតហេតុក្មេងរងគ្រោះដែលបាត់ខ្លួនបានជិះកង់ជាមួយ បងប្រុសឈ្មោះសុខ វិហ្សា អាយុ១១ឆ្នាំជាសិស្សថ្នាក់ទី៤ដើរលេងជាមួយ មិត្តភ័ក្រម្នាក់ទៀត។នៅពេលធ្វើដំណើរពីត្បូងទៅជើង មកដល់កន្លែងកើតហេតុមុខ បុរី សម្បត្តិមាស មានរថយន្ត មួយគ្រឿងក្មេងប្រុសរូបនោះ បានចាប់ហ្វ្រាំង បង្អង់ល្បឿន តែ អកុសល ក៍បានរអិល ថង់ ធ្លាក់ចូលទៅក្នុងប្រឡាយអូរវែង តែម្តងដោយ កង់បានធ្លាក់ចូលមាត់ប្រឡាយ ចំណែក ក្មេង២នាក់បងប្អូន បានធ្លាក់ចូលទៅក្នុងប្រឡាយ ដែលមានទឹកហូរនិងព្រៃស្មៅ ភ្លាមៗ ក្មេង ជាបង ក៍បានស្រវ៉ា តោង ឡើងលើគោកបាន ។រីឯងប្អូនប្រុសក៏បានធ្លាក់ចូលក្នុងទឹកប្រឡាយ លិចបាត់តែម្តង។ចំណែក មិត្តភ័ក្រម្នាក់បានជិះកង់ទៅបាត់។
ខណៈឪពុកម្តាយ លោកយាយ និងសាច់ញាតិ ទ្រហ៊ោយំបោកខ្លួនរហូតដល់សន្លប់ ។ សូមបញ្ជាក់ថា ភ្លាមៗក៏មានអ្នកចុះជួយរាវរកដែរ តែដោយសារទឹកហូរខ្លាំង និងមានស្មៅស្តុក ទើបមិនអាចរកឃើញ មានតែសុំការជួយសង្គ្រោះ ពីខាង កងកម្លាំង ៩១១ ដែលមានជំនាញខាងមុជទឹករាវរក ចុះមកអន្តរាគមន៍ ស្វះស្វែងមុជរាវរក តាមជំនាញរបស់លោក រហូតអាវរកឃើញសពក្មេងប្រុសខាងលើ នៅវេលាម៉ោង ៧និង ៣០នាទីយប់ថ្ងៃដដែល ខណៈសពក្មេងខាងលើ រឹងទៅហើយ សូមចូលរួមរំលែកទុក្ខផង ៕ មេសា
