រាជធានីភ្នំពេញ ៖ បុរសម្នាក់បើករថយន្ដ ស៊េរីទំនើប Ford Mustang ក្នុងល្បឿនលឿន បានបុកពីក្រោយម៉ូតូអគ្គិសនីមួយគ្រឿងទៀត ពេញទំហឹង បណ្ដាលឲ្យបុរសម្នាក់ជាម្ចាស់ម៉ូតូ ស្លាប់ភ្លាមៗ កាលពីវេលាម៉ោង១យប់ ឈានចូលថ្ងៃទី២ ខែធ្នូ ឆ្នាំ២០២៣ នៅចំណុចផ្លូវសហព័ន្ធរុស្ស៊ី ក្នុងសង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដស៊េរីទំនើប Ford Mustang មួយគ្រឿង ពាក់ស្លាកលេខ ភ្នំពេញ 2BW-0080 ក្នុងល្បឿនលឿន បានបុកពីក្រោយម៉ូតូអគ្គិសនីពេញទំហឹង បណ្ដាលឲ្យបុរសម្នាក់ជាម្ចាស់ម៉ូតូស្លាប់ភ្លាមៗ។
ក្រោយពេលកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញបានចុះមកធ្វើការវាស់វែង យករថយន្ដ និងម៉ូតូ ទៅរក្សាទុករង់ចាំការដោះស្រាយនៅពេលក្រោយ។ រីឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី៕ Mrr Ka
.jpg?1701493361)
