រាជធានីភ្នំពេញ ៖ បុរសម្នាក់បើករថយន្ដ CAMRY មួយគ្រឿងទៅបុកពីក្រោយរម៉កកង់បី ពេញទំហឹង បណ្ដាលឲ្យក្រឡាប់ ចំណែកមនុស្សប្រុស២នាក់ទៀត រងរបួសធ្ងន់ស្រាល រួចបន្តទៅបុកបង្គោលភ្លើងមួយដើមទៀត បាក់រលំដល់ដី ទើបទៅមុខលែងរួច។
ហេតុការណ៍នេះ បានកើតឡើង នៅវេលាម៉ោង១០យប់ ថ្ងៃទី១ ខែធ្នូ ឆ្នាំ២០២៣ នៅតាមបណ្ដោយផ្លូវ៦០ម៉ែត្រ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដ CAMRY បាឡែនមួយគ្រឿង ពាក់ស្លាកលេខ ភ្នំពេញ 2AJ-3361 បើកតាបណ្ដោយផ្លូវ៦០ម៉ែត្រ លុះដល់ចំណុចខាងលើ ក៏បានបុកពីក្រោយរម៉កកង់បី ពេញទំហឹង បណ្ដាលឲ្យក្រឡាប់ និងមនុស្សប្រុស២នាក់រងរបួសធ្ងន់ស្រាល រួចបន្តទៅបុកបង្គោលភ្លើងមួយដើមទៀត បាក់រលំដល់ដី។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែងយករថយន្ដ និងម៉ូតូរម៉កកង់បីទៅរក្សាទុក រង់ចាំការដោះស្រាយនៅពេលក្រោយ តាមច្បាប់បន្តទៀត ៕ Mrr Ka
