ខេត្តស្វាយរៀង ៖សមត្ថកិច្ចជំនាញនៃការិយាល័យប្រឆាំងគ្រឿងញៀនកងរាជអាវុធហត្ថខេត្តស្វាយរៀង នៅថ្ងៃទី០៣ ខែធ្នូ ឆ្នាំ២០២៣ បានបញ្ជូនជនសង្ស័យប្រុសស្រីចំនួន០៣ នាក់ ទៅតុលាការដើម្បីផ្ដន្ទាទោសតាមច្បាប់ ពាក់ព័ន្ធករណីរក្សាទុកឬជួញដូរដោយខុសច្បាប់នូវសារធាតុញៀន។ នេះបើយោងតាមផេកផ្លូវការរបស់ កងរាជអាវុធហត្ថខេត្តស្វាយរៀង ។

សូមបញ្ជាក់ថា នៅវេលាម៉ោង០៧និង១៥នាទី ថ្ងៃទី២៩ ខែវិច្ឆិកា ឆ្នាំ២០២៣ ដោយមានការចង្អុលបង្ហាញពីលោកឧត្តមសេនីយ៍ត្រី នុត នន្ទ មេបញ្ជាការស្តីទីកងរាជអាវុធហត្ថខេត្តស្វាយរៀងកម្លាំងកងរាជអាវុធហត្ថខេត្ត សហការជាមួយកម្លាំងមូលដ្ឋានកងរាជអាវុធហត្ថក្រុងបាវិត ដឹកនាំដោយលោក វរសេនីយ៍ឯក ស្រី វុត្ថា មេបញ្ជាការរងកងរាជអាវុធហត្ថខេត្តស្វាយរៀង ទទួលការងារស្រាវជ្រាវនិងបង្ក្រាបបទល្មើស និងដោយមានការដឹកនាំសម្របសម្រួលនីតិវិធីពីលោក ឡាយ ជុងហេង ព្រះរាជអាជ្ញារង នៃអយ្យការអមសាលាដំបូងខេត្ត បានធ្វើប្រតិបត្តិការ បង្ក្រាបករណីរក្សាទុកឬជួញដូរនិង ប្រើប្រាស់ដោយខុសច្បាប់នូវសារធាតុញៀននៅចំណុចខារ៉ាអូខេស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

ជាលទ្ធផល ក្នុងប្រតិបត្តិការនេះ សមត្ថកិច្ចឃាត់ខ្លួនជនសង្ស័យបានចំនួន០៣ នាក់និងរត់គេចខ្លួនចំនួន០២ នាក់មានដូចខាងក្រោម៖

១.ឈ្មោះឡូ ង្វៀងងឹង ភេទស្រី អាយុ១៨ ឆ្នាំ ជនជាតិវៀតណាម មុខរបរមេការខារ៉ាអូខេ៧៧៧ ស្នាក់នៅបណ្តោះអាសន្នខារ៉ាអូខេ៧៧៧ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។

២.ឈ្មោះដូរ វ៉ាន់ណាម ភេទប្រុស អាយុ ២៣ ឆ្នាំ ជនជាតិវៀតណាម មុខរបរបុគ្គលិកខារ៉ាអូខេ៧៧៧ ស្នាក់នៅបណ្តោះអាសន្ន ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។

៣.ឈ្មោះ ហ្វុញ ហ្វាងហ្វី ភេទប្រុស អាយុ ២៧ ឆ្នាំ ជនជាតិវៀតណាម មុខរបរបុគ្គលិកខារ៉ាអូខេ

៧៧៧ ស្នាក់នៅបណ្តោះអាសន្នភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។

៤.ឈ្មោះ ជូ ឌឹកងា ភេទប្រុស អាយុ៣៥ ឆ្នាំ ជនជាតិវៀតណាម រស់នៅប្រទេសវៀតណាម កាន់លិខិតឆ្លងដែនលេខ P00813551 (គេចខ្លួន)។

៥.ឈ្មោះកន ស្រីពិច ភេទស្រី អាយុ២០ឆ្នាំ ជនជាតិខ្មែរ កាន់អត្តសញ្ញាណប័ណ្ណលេខ ១៧១២០៤៧៦៤ មានទីលំនៅកំណើត ឃុំរតនៈ ស្រុកបាត់ដំបង ខេត្តបាត់ដំបង មានទីលំនៅបច្ចុប្បន្ន ភូមិរំចេក២ សង្កាត់រតនៈ ក្រុងបាត់ដំបងខេត្តបាត់ដំបង (គេចខ្លួន)។

ចំណែកវត្ថុតាងរួមមាន៖

-ក្រាមពណ៌សថ្លាចំនួន០៥ កញ្ចប់ មានទម្ងន់១១.៨០ ក្រាម (គិតទាំងសំបកវេចខ្ចប់)

-ម្សៅម៉ត់ពណ៌សចំនួន០១ កញ្ចប់ មានទម្ងន់៥.៥០ ក្រាម (គិតទាំងសំបកវេចខ្ចប់)

-ថ្នាំគ្រាប់ពណ៌លឿងចំនួន០២ កញ្ចប់ មានទម្ងន់២៣.៣០ ក្រាម (គិតទាំងសំបកវេចខ្ចប់)

-ម្សៅកញ្ចប់ពណ៌ខ្មៅចំនួន០២ កញ្ចប់ មានទម្ងន់២៥.៣០ ក្រាម (គិតទាំងសំបកវេចខ្ចប់)

-ម្សៅកញ្ចប់ពណ៌សចំនួន១២ កញ្ចប់ មានទម្ងន់៦៦.៩០ ក្រាម (គិតទាំងសំបកវេចខ្ចប់)

- ម្សៅកញ្ចប់ពណ៌ទឹកក្រូចចំនួន ០៧កញ្ចប់មានទម្ងន់១,៤០៨.៨ ក្រាម ( គិតទាំងសំបកវេចខ្ចប់)

-ក្រាមពណ៌ទឹកក្រូចចំនួន០១ កញ្ចប់ មានទម្ងន់១.៦០ ក្រាម (គិតទាំងសំបកវេចខ្ចប់)

-ថ្នាំគ្រាប់ពណ៌ក្រហមចំនួន០១ កញ្ចប់ មានទម្ងន់១.៣០ ក្រាម (គិតទាំងសំបកវេចខ្ចប់)

-បំពង់ដែកបិតជិតពណ៌ខៀវចំនួន២០ បំពង់

-ទូរស័ព្ទចំនួន០៤ គ្រឿង

-កាបូបស្ពាយពណ៌ខ្មៅចំនួន០១

-ប្រាក់ដុល្លារចំនួន៤៩០០ ដុល្លារ

- ប្រាក់ដុងចំនួន១៣០,០០០,០០០ ដុង

-ថង់សម្រាប់វេចខ្ចប់គ្រឿងញៀនមួយចំនួន ។

-កាំបិតដងវែងចំនួន០១ ដើម

- ដាវសាំម៉ូរ៉ៃចំនួន០១ ដើម

-ម៉ូតូម៉ាកRGV ១២០ ចំនួន០១ គ្រឿង

បច្ចុប្បន្នជនសង្ស័យនិងវត្ថុតាងត្រូវបានកម្លាំងជំនាញបញ្ជាការដ្ឋានកងរាជអាវុធហត្ថខេត្តស្វាយរៀងកសាងសំណុំរឿងបញ្ជូនទៅអយ្យការអមសាលាដំបូងខេត្តស្វាយរៀង៕