រាជធានីភ្នំពេញ ៖ នារីស្រស់ស្អាតម្នាក់ បើករថយន្ត Jeep SAHARA ស៊េរីទំនើប មួយគ្រឿង បុកគ្នាជាមួយរថយន្ដ Visto ដែលចតនៅមុខផ្ទះ បណ្ដាលឲ្យរងការខូចខាតយ៉ាងដំណំ កាលពីវេលាម៉ោង ១០យប់ ថ្ងៃទី២ ខែធ្នូ ឆ្នាំ២០២៣ ក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញនារីស្រស់ស្អាតម្នាក់ បើករថយន្ត Jeep SAHARA ស៊េរីទំនើបមួយគ្រឿង ដែលពាក់ស្លាកលេខ ភ្នំពេញ 2BU 0368 បើកតាមបណ្ដោយផ្លូវបេតុង ក្នុងទិសដៅពីលិចទៅកើត មកចំណុចកើតហេតុ មិនប្រយ័ត្ន ក៏បានបុករះត្រូវរថយន្ដ Visto ដែលចតនៅមុខផ្ទះ បណ្ដាលអោយរងការខូចខាតយ៉ាងដំណំ។

ក្រោយកើតហេតុ នារីដ៏ស្រស់ស្អាតដែលជាអ្នកបើករថយន្តស៊េរីទំនើបខាងលើ បានសងសំណងទៅម្ចាស់រថយន្ត Vitso ចំនួន ១៥០០ ដុល្លារ ដើម្បីបញ្ចប់រឿង ៕ Mrr Ka