រាជធានីភ្នំពេញ ៖ បុរសម្នាក់បើករថយន្ដ High Lander មួយគ្រឿង ក្នុងល្បឿនលឿន បុកម៉ូតូ Dream C125 ដែលកំពុងជិះបញ្ច្រាសទិសគ្នា បណ្ដាលឲ្យបុរសម្នាក់ ស្លាប់យ៉ាងអាណោចអាធ័ម ទាំងកណ្ដាលភ្លៀង។
ហេតុការណ៍នេះ បានកើតឡើងនៅតាមបណ្ដោយផ្លូវ៣០ម៉ែត្រ ក្នុងសង្កាត់ស្វាយប៉ាក ខណ្ឌឬស្សីកែវ រាជធានីភ្នំពេគ វេលាម៉ោង៩ យប់ ថ្ងៃទី០២ ខែធ្នូ ឆ្នាំ២០២៣ ។
តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្ដ High Lander មួយគ្រឿង ដែលពាក់ស្លាកលេខ ភ្នំពេញ 2AB-2293 បើកក្នុងល្បឿនលឿន ពីត្បូងទៅជើង លុះដល់ចំណុចកើតហេតុ ក៏បានបុកម៉ូតូ Dream C125 ដែលពាក់ស្លាកលេខ កណ្តាល 1M-0359 បណ្ដាលឲ្យអ្នកជិះម៉ូតូ ស្លាប់ទាំងកណ្ដាលភ្លៀង ។
ពេលកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែងយករថយន្ដ និងម៉ូតូទៅរក្សាទុក រង់ចាំការដោះស្រាយនៅពេលក្រោយ។ រីឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕ Mrr Ka
.jpg?1701660283)
