រាជធានីភ្នំពេញ ៖ បុរសម្នាក់ បើករថយន្ត​ Ford Everest​ មួយគ្រឿងក្នុងល្បឿនលឿន បុកចូលផ្ទះប្រជាពលរដ្ឋ បណ្ដាលឲ្យរងការខូចខាត កាលពីវេលាម៉ោង ​៩យប់​ ថ្ងៃ​ទី​៣​ ខែធ្នូ​ ឆ្នាំ​២០២៣ នៅតាម​បណ្ដោយ​ផ្លូវ​២០៥​ ក្នុងសង្កាត់​ទួល​ស្វាយ​ព្រៃទី២​ ខណ្ឌបឹងកេងកង​​​ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ស៊េរីទំនើប Ford Everest​ មួយគ្រឿង ដែលពាក់ស្លាកលេខ ភ្នំពេញ​ 2BT-8168 ក្នុងល្បឿនលឿន តាមបណ្ដោយផ្លូវ២០៥ ទិសដៅពីត្បូងទៅជើង មកដល់កន្លែងហេតុ រថយន្ដនោះ ក៏រ៉េចង្កូតទៅបុកចូលផ្ទះប្រជាពលរដ្ឋ បណ្ដាលការខូចខាត​យ៉ាងដំណំយ៉ាងដំណំតែម្តង ។

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក ​នៃស្នងការដ្ឋាននគរបាលរាជធានីភ្នំពេញ បានធ្វើការវាស់វែង យករថយន្តទៅរក្សាទុកដើម្បីរង់ចាំដោះស្រាយនៅពេលក្រោយ តាមច្បាប់បន្តទៀត ៕ Mrr Ka