រាជធានីភ្នំពេញ ៖ បុរសម្នាក់បើករថយន្ត​ Discovery មួយគ្រឿង បុកបង្គោលភ្លើងអស់ចំនួន២ដើម បណ្ដាលឲ្យរងការខូចខាត​ កាលពីវេលាម៉ោង ៤ទៀបភ្លឺ ថ្ងៃទី៤ ខែធ្នូ ឆ្នាំ២០២៣ នៅចំណុចផ្លូវ​កម្ពុជា​ក្រោម​ សង្កាត់​ផ្សារ​ថ្មី​ទី២​ ខណ្ឌ​ដូនពេញ រាជធានីភ្នំពេញ ។

តាមប្រភពព័ត៌មានពីបងប្អូនប្រជាពលរដ្ឋ បានដឹងថា មុនពេលកើតហេតុ គេបានឃើញបុរសម្នាក់ បើករថយន្ត​ Discovery ស៊េរីទំនើប មួយគ្រឿង ដែលពាក់ស្លាកលេខ ភ្នំពេញ​ 2BB-1678 បើកតាមបណ្ដោយផ្លូវ១២៨ ក្នុង​ទិសដៅ​ពីលិចទៅកើត មកដល់កន្លែងកើតហេតុ រថយន្ដក៏បុកបង្គោលភ្លើងអស់ចំនួន២ដើម បណ្ដាលឲ្យរងការខូចខាតយ៉ាងដំណំតែម្តង ។​

ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក​ នៃស្នងការដ្ឋាននគរបាលរាជធានីភ្នំពេញ​បានចុះមកធ្វើការវាស់វែង យករថយន្តទៅរក្សាទុក ដើម្បីរង់ចាំដោះស្រាយនៅពេលក្រោយ​តាមច្បាប់បន្តទៀត ៕ Mrr Ka