រថយន្ដសណ្ដោងរម៉កដឹកទំនិញធុនធំ បើកគេចម៉ូតូ ជ្រុលឡើងខឿនបុកបង្គោលភ្លើង បាក់១ដើមរាបដល់ដី
រាជធានីភ្នំពេញ៖ បុរសម្នាក់ បើករថយន្ដសណ្ដោងរម៉កដឹកទំនិញធុនធំមួយគ្រឿង ទៅបុកឡើងខឿននិងបង្គោលភ្លើង បណ្ដាលឲ្យបាក់រលំដល់ដី កាលពីវេលាម៉ោង ១០យប់ ថ្ងៃទី៦ ខែធ្នូ ឆ្នាំ២០២៣ តាមបណ្ដោយផ្លូវភ្នំពេញហាណូយ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ ។
តាមប្រភពព័ត៌មាន ពីបងប្អូនប្រជាពលរដ្ឋ បានឲ្យដឹងថា មុនពេលកើតហេតុ គេបានឃើញបុរសម្នាក់ បើករថយន្ដសណ្ដោងរម៉កដឹកទំនិញធុនធំ ពាក់ស្លាកលេខ ខេមរៈភូមិន្ទ02 3-2363 បើកគេចពីម៉ូតូ ជ្រុលចង្កូតបុកឡើងខឿននិងបង្គោលភ្លើង មួយដើម បណ្ដាលឲ្យបាក់រលំដល់ដី។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វើការវាស់វែង យករថយន្ដទៅរក្សាទុករង់ចាំការដោះស្រាយនៅពេលក្រោយតាមច្បាប់បន្តទៀត ៕ Mrr Ka
