រាជធានីភ្នំពេញ ៖ យុវជនម្នាក់អះអាងថា ខ្លួនបានជិះទៅរកមិត្តភក្កិដើម្បីហូបចុកជុំគ្នា លុះជិះដល់ផ្លូវស្ងាត់ ម្ដុំរ៉ារថភ្លើង ក៏ត្រូវបានក្រុមជនសង្ស័យ យកកាំបិតភ្ជង់ប្លន់យកម៉ូតូ និងទូរសព្ទទៅបាត់ដោយសុវត្ថិភាព ។
ហេតុការណ៍នេះ បានកើតឡើងតាមបណ្ដោយផ្លូវរថភ្លើង ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ វេលាម៉ោង៣យប់ ត្រូវនឹងថ្ងៃទី ១០ ខែធ្នូ ឆ្នាំ ២០២៣។
តាមប្រភពព័ត៌មាន និងការអះអាងពីបុរសខាងលើ ដែលអះអាងថា ខ្លួនជាជនរងគ្រោះ បានអោយដឹងថា មុនពេលកើតហេតុ គាត់បានជិះម៉ូតូមករកមិត្តភក្កិរបស់គាត់ ស្រាប់តែដល់ចំណុចកើតហេតុ ក៏លេចមុខជនសង្ស័យទាំង២នាក់នោះ ដែលពួនចាំស្ទាក់ប្លន់ និងភ្ជង់កាំបិតមកលើគាត់ជាជនរងគ្រោះឲ្យចុះពីលើម៉ូតូ ហើយគំរាមបើកហ៊ានតាមនឹងកាប់ រួចក៏ប្លន់យកម៉ូតូទៅបាត់បានសម្រេច តែម្តង ។
ក្រោយកើតហេតុសមត្ថកិច្ចក៏បានមកដល់ បាននាំជនរងគ្រោះទៅដាក់ពាក្យបណ្ដឹង ដើម្បីតាមចាប់ជនសង្ស័យទាំង២នាក់ យកមកផ្តន្ទាទោសតាមច្បាប់បន្តទៀត ៕ Mrr Ka
