យុវជនម្នាក់ ចេញពីធ្វើការ ជិះម៉ូតូបុកនឹងខឿនសួនចែកផ្លូវ ហោះទៅបុកបង្គោលភ្លើង ស្លា..ប់យ៉ាងរន្ធត់
រាជធានីភ្នំពេញ ៖ យុវជនម្នាក់ ចេញពីធ្វើការ ជិះម៉ូតូក្នុងល្បឿនលឿន ទៅបុកនឹងខឿនសួនចែកផ្លូវ ហោះទៅបុកនឹងបង្គោលភ្លើង ស្លាប់បាត់បង់ជីវិតយ៉ាងរន្ធត់ នៅតាមបណ្ដោយផ្លូវជាតិលេខ៣ ក្នុងសង្កាត់ក្រាំងពង្រ ខណ្ឌដង្កោ រាជធានីភ្នំពេញ នាវេលាម៉ោង១០យប់ ថ្ងៃទី១០ ខែធ្នូ ឆ្នាំ២០២៣។
តាមប្រភពព័ត៌មាន ពីឪពុកបង្កើតបានដឹងថា មុនពេលកើតហេតុ កូនគាត់បានចេញពីធ្វើការ ជិះម៉ូតូ HONDA Dream ពាក់ស្លាកលេខ ភ្នំពេញ 1IZ-6480 តាមផ្លូវជាតិលេខ៣ ប្រហែលក្នុងល្បឿនលឿន លុះដល់ចំណុចកើតហេតុ ទៅបុកនឹងខឿនសួនចែកផ្លូវ ហោះទៅបុកនឹងបង្គោលភ្លើង ស្លាប់បាត់បង់ជីវិតយ៉ាងរន្ធត់ បែបនេះតែម្តង។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោកនៃអធិការដ្ឋាននគរបាលខណ្ឌដង្កោ ចុះមកធ្វើការវាស់វែង និងប្រគល់សព និងម៉ូតូឲ្យសាច់ញាតិយកទៅធ្វើបុណ្យតាមប្រពៃណី ៕ Mrr Ka
