ប្រទេសថៃ៖ សារព័ត៌មានថៃ Bangkok Post បានចេញផ្សាយនារសៀលថ្ងៃពុធ ទី០៥ ខែឧសភា ឆ្នាំ២០២១ បានឲ្យដឹងថា អ្នកឆ្លងជំងឺ​COVID-19 ចំនួន ២,១១២នាក់ ត្រូវបានរកឃើញ និងអ្នកជំងឺ ១៥នាក់ទៀតស្លាប់នៅក្នុងរយៈពេល ២៤ម៉ោងកន្លងទៅនេះ ខណៈស្ថានការណ៍រាតត្បាតជាក់ស្តែង គឺហាក់ដូចជាកំពុងស្ថិតក្នុងការគ្រប់គ្រងហើយ។ ​

ទីក្រុងបាងកកនៅតែជាតំបន់ ដែលរាប់រងករណីឆ្លងច្រើនជាងគេរហូតដល់ ៧៨៩នាក់នាក់ ខណៈខេត្តណុនថាបុរីមាន ២៤៩នាក់, ខេត្តសាមុតប្រាកាន ២២៦នាក់ និងខេត្តឈុនបុរី ១១០នាក់។ ដោយឡែកក្នុងចំណោមករណីវិជ្ជមាន COVID-19 ទាំង ២,១១៦នាក់នេះ មានតែ ០៥នាក់ប៉ុណ្ណោះ ជាករណីនាំចូលមកពីក្រៅប្រទេស។

គិតត្រឹមពេលនេះ ករណីឆ្លង COVID-19 សរុបទូទាំងប្រទេសថៃមានចំនួន ៧៤,៩០០ករណី ក្នុងនោះមានអ្នកស្លាប់ ៣១៨នាក់ និងជាសះស្បើយវិញ ៤៤,៣៦០ ខណៈអ្នកជំងឺកំពុងសម្រាកព្យាបាលមានចំនួន ៣០,២២២នាក់។ ដោយឡែកការចាក់វ៉ាក់សាំងបង្ការ COVID-19 វិញ ប្រទេសថៃសម្រេចបាន ១,៥៧៣,០៧៥ដូស គិតត្រឹមថ្ងៃពុធនេះ៕ ប្រភព៖ Bangkok Post ប្រែសម្រួល៖ នង ណារិន