សមត្ថកិច្ចបញ្ជាក់ថា បុរសដែលប្រើគ្រឿងញៀន និងជាន់លើទង់ជាតិព្រះរាជាណាចក្រកម្ពុជា ត្រូវសមត្ថកិច្ចចាប់ឃាត់ខ្លួនតាំងពីថ្ងៃទី១៨ ខែមករា មកម្ល៉េះ !
រាជធានីភ្នំពេញ ៖ យោងតាមផេកផ្លូវការរបស់ ស្នងការដ្ឋាននគរបាលរាជធានីភ្នំពេញ បានឲ្យដឹងថា បុរសម្នាក់ប្រើប្រាស់សារធាតុញៀន បង្កការអុកឡុកនៅក្នុងមូលដ្ឋាន និងធ្វើសកម្មភាពជាន់លើទង់ជាតិព្រះរាជាណាចក្រកម្ពុជា ត្រូវបានកម្លាំងប៉ុស្តិ៍នគរបាលរដ្ឋបាលស្ទឹងមានជ័យ២ នៃអធិការដ្ឋាននគរបាលខណ្ឌមានជ័យ បានឃាត់ខ្លួន ដើម្បីអនុវត្តតាមនីតិវិធី កាលពីថ្ងៃទី១៨ ខែមករា ឆ្នាំ២០២៤ មកម្លេះ។
ស្នងការដ្ឋាននគរបាលរាជធានីភ្នំពេញ ក៏បានបញ្ជាក់ពីអត្តសញ្ញាណ របស់ជនសង្ស័យរូបនេះផងដែរ ដែលមានឈ្មោះ អ៊ុក ភក្តី ភេទប្រុស មុខរបរ រើសអេតចាយ ស្នាក់នៅ ផ្ទះជួល ភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ ៕
