រាជធានីភ្នំពេញ ៖ អគ្គិភ័យមួយបានឆាបឆេះ ផ្ទះល្វែងបើកលក់អង្ករមួយកន្លែង យ៉ាងសន្ធោសន្ធៅ កាលពីរសៀលថ្ងៃទី ២៥ ខែមីនា ឆ្នាំ២០២៤ នៅចំណុចផ្ទះលេខ ៦៥ ផ្លូវ ១៩C បុរីពិភពថ្មីគម្រោង៦ ភូមិថ្មដាសង្កាត់កន្ទោក ខណ្ឌកំបូល រាជធានីភ្នំពេញ ។
តាមរបាយការណ៍ពីសមត្ថកិច្ច ដែលTVFB ទទួលបាន បានឲ្យដឹងថា ម្ចាស់ផ្ទះមានឈ្មោះ ថុង ប៊ុនធឿន ភេទប្រុស អាយុ ៣៧ឆ្នាំ មុខរបរលក់ដូរ ស្នាក់នៅផ្ទះខាងលើ ដោយអគ្គិភ័យនេះ បានឆេះផ្ទះទំហំផ្ទះ ៤.១ម៉ែត្រ គុណ១២ម៉ែត្រ (ប្រភេទផ្ទះល្វែងលក់អង្ករ) ទំហំបន្ទប់ដែលឆេះ ៣ម៉ែត្រ គុណ ៤.១ម៉ែត្រ ។
ចំណែកមូលហេតុ សមត្ថកិច្ចបញ្ជាក់ថា បណ្តាលមកពី ទុស្សេខ្សែភ្លើង ក្នុងបន្ទប់ជាន់ទី០១ ផ្នែកខាងក្រោយផ្ទះលេខ៦៥ ផ្លូវលេខ១៩c រួចក៏ផ្សែងភ្លើងរាលចូលផ្ទះលេខ ៦៧.៦៩.៧១.៧៣.៧៥.៧៧.៧៩.៨១.៨៣ តែម្តង ។
ក្នុងនោះ សម្ភារៈខូចខាតផ្ទះលេខ៦៥ សំបកបាវអង្ករមួយចំនួនធំ និងសម្ភារៈប្រើប្រាស់ក្នុងផ្ទះមួយ ចំនួនទៀត ដោយប្រើប្រាស់រថយន្តពន្លត់អគ្គីភ័យអស់ចំនួន ០៩គ្រឿង , ស្នងការដ្ឋាននគរបាលរាជធានីភ្នំពេញចំនួន ០២គ្រឿង, បុរីសង្ឃឹមថ្មីចំនួន ០២គ្រឿង, ទ័ពពិសេស ៩១១ ចំនួន ០២គ្រឿង, សាលាខណ្ឌកំបូលចំនួន0១ គ្រឿង និងបុរីពិភពថ្មីកំបូលចំនួន ០២គ្រឿង៕មេសា
