រាជធានីភ្នំពេញ ៖ បុរស៣នាក់ ជិះម៉ូតូ SUZUKI Let's ជិះឌុបគ្នាទៅផ្ទះ ត្រូវរថយន្ដធុនធំមិនចាំស្លាកលេខមួយគ្រឿង កៀរដួល រួចកិនបុរសម្នាក់ជាអ្នករួមដំណើរស្លាប់ និងបុរស២នាក់ទៀតរងរបួសស្រាល ភ្លាមនោះរថយន្ដបានបើករត់គេចខ្លួនបាត់។
ហេតុការណ៍នេះបានកើតឡើងនៅវេលាម៉ោង២យប់ ត្រូវនឹងថ្ងៃទី២៦ ខែមីនា ឆ្នាំ២០២៤ នៅតាមបណ្ដោយផ្លូវជាតិលេខ៤ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
តាមប្រភពព័ត៌មានពីបងប្អូនប្រជាពលរដ្ឋ និងពីជនរងគ្រោះបានឲ្យដឹងថា មុនពេលកើតហេតុ គេបានឃើញបុរស៣នាក់ ជិះម៉ូតូ SUZUKI Let's ពាក់ស្លាកលេខ ភ្នំពេញ 1HW-0092 មកពីស៊ីផឹក ជិះឌុបគ្នាទៅផ្ទះ ត្រូវបានរថយន្ដធុនធំមិនចាំស្លាកលេខមួយគ្រឿងកៀរដួល រួចកិនបុរសម្នាក់ជាអ្នករួមដំណើរស្លាប់ និងបុរស២នាក់ទៀតរងរបួសស្រាល ភ្លាមៗនោះរថយន្ដបានបើករត់គេចខ្លួនបាត់។
ក្រោយកើតហេតុសមត្ថកិច្ចជំនាញចរាចរណ៍ផ្លូវគោក នៃអធិការដ្ឋាននគរបាលពោធិ៍សែនជ័យ ចុះមកធ្វើការវាស់វែង និងស្រាវជ្រាវរករថយន្ដដែលបង្ក មកធ្វើការដោះស្រាយគ្នាតាមច្បាប់ ។ រីឯសពជនរងគ្រោះប្រគល់ឲ្យសាច់ញាតិយកទៅធ្វើបុណ្យតាមប្រពៃណី ៕ Mrr Ka
.jpg?1711430776)
