រាជធានីភ្នំពេញ ៖ បុរសម្នាក់បើករថយន្ដ NISSON មួយគ្រឿងរ៉េចង្កូតបុករះផ្លាកបាយឆា រួចបន្តទៅរថយន្ដដែលចតចោល និងជញ្ជាំងផ្ទះប្រជាពលរដ្ឋ បណ្ដាលឲ្យរងការខូចខាត។
ហេតុការណ៍នេះស្ថិតតាមបណ្ដោយមហាវិថីព្រះមុន្នីរ៉េត សង្កាត់ផ្សារដើមគរ ខណ្ឌទួលគោក រាជធានីភ្នំពេញ វេលាម៉ោង១២និង២០នាទីរំលងអធ្រាត្រឈានចូល ថ្ងៃទី២៦ ខែមីនា ឆ្នាំ២០២៤។
យោងតាមប្រភពព័ត៌មានពីបងប្អូនប្រជាពលរដ្ឋ និងពីជនរងគ្រោះបានឲ្យដឹងថា មុនពេលកើតហេតុ បុរសម្នាក់បើករថយន្ដ NISSON ពាក់ស្លាកលេខ ភ្នំពេញ 2BO-6821 តាមបណ្ដោយផ្លូវ២១៧ មកដល់ស្ដុបអាងទឹកអូឡាំពិក ក៏រ៉េចង្កូតបុករះផ្លាកបាយឆា រួចបន្តទៅរថយន្ដដែលចតចោល និងជញ្ជាំងផ្ទះប្រជាពលរដ្ឋបណ្ដាលឲ្យរងការខូចខាត។
ក្រោយកើតហេតុ សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែង យករថយន្ដទាំងពីរគ្រឿងទៅរក្សាទុករង់ចាំការដោះនៅក្រោយ ៕ Mrr Ka
.jpg?1711431192)
