ខេត្តកំពង់ស្ពឺ ៖ យោងតាមផេកផ្លូវការរបស់ ស្នងការដ្ឋាននគរបាលខេត្តកំពង់ស្ពឺ បានឲ្យដឹងថា ដោយទទួលបានព័ត៌មានពីពលរដ្ឋល្អ នៅថ្ងៃទី២៩ ខែមីនា ឆ្នាំ២០២៤ កម្លាំងនគរបាលស្រុកសំរោងទង បានបង្រ្កាបក្រុមលេងល្បែងស៊ីសងប្រភេទ ( អាប៉ោង ) មួយកន្លែង ស្ថិតនៅព្រៃខាងលិច ភូមិគោកមានជ័យ ឃុំព្នាយ ស្រុកសំរោងទង ខេត្តកំពង់ស្ពឺ ឃាត់មនុស្សបានចំនួន ៤នាក់៖
១- ឈ្មោះ សៀង អៀ ភេទប្រុស អាយុ ៤៣ឆ្នាំ ( អ្នកបាញ់មេ )
២- ឈ្មោះ យ៉ែម រី ភេទប្រុស អាយុ ៦១ឆ្នាំ
៣-ឈ្មោះ ផុន ខា ភេទប្រុស អាយុ ៤៣ឆ្នាំ
៤-ឈ្មោះ អែម ស ភេទស្រី អាយុ ៥៩ឆ្នាំ ។
សមត្ថកិច្ចបានធ្វើការដកហូត វត្ថុតាងរួមមាន ៖ មេអាប៉ោង ១ កំរាល ១ ចានគ្រប ១ ម៉ូតូ ១គ្រឿង និងលុយរៀលមួយចំនួន ១៦៥.០០០៛ ( ដប់ប្រាំមួយម៉ឺនប្រាំពាន់រៀល ) ។
បច្ចុប្បន្នមុខសញ្ញាល្បែងស៊ីសង អាប៉ោងឃាត់ខ្លួនបញ្ជូនមកអធិការដ្ឋាននគរបាលស្រុក ដើម្បីបំពេញនីតិវិធីបញ្ជូនទៅការិយាល័យព្រហ្មទណ្ឌ នៃស្នងការដ្ឋាននគរបាលខេត្ដកំពង់ស្ពឺ ចាត់ការនីតិវិធីបន្ដ៕
.jpg?1711784474)
.jpg?1711784475)
