គេនៅចាំបានថា តារាសម្តែង ម៉ក់ ឈុនលី បានបាត់មុខពីការងារសិល្បៈមួយរយៈ ដោយសារតែយកពេលវេលាផ្តោតលើការសិក្សា លុះប្រឡងជាប់បាក់ឌុបចប់ ទើបលោកចាប់ផ្តើមទទួលការងារសិល្បៈវិញដូចមុន។

តួយ៉ាង គ្រាន់តែត្រឡប់មកវិញភ្លាម ឈុនលី ទទួលបានការងារច្រើនជាហូរហែរ ដូចជា ភាពយន្ត ថតស៉្បតពាណិជ្ជកម្ម ថតផ្សព្វផ្សាយផលិតផល និងជាម៉ូដែលថតរូបហ្វេសសិនឲ្យយីហោសម្លៀកបំពាក់ធំៗជាច្រើន។ 

ថ្បិតកំពុងទទួលបានការគាំទ្រខ្លាំងពីសំណាក់មហាជនក្តី កំលោះសង្ហាររូបនេះ ហាក់មិនទាន់បង្ហើបពីម្ចាស់បេះដូង ថាមាន ឬក៏នៅ នៅឡើយនោះទេ ប៉ុន្តែបណ្តាFan របស់លោក ហាក់កំពុងផ្គូផ្គងតារាប្រុសសង្ហាររូបនេះ ជាមួយនឹងតារាស្រីនេះនោះជាដើម ជាហូរហែរ។

ចាប់អារម្មណ៍លើមង្គលការ លោក ហេង វិសាល និងស្រីនា នាពេលថ្មីៗនេះវិញ គេឃើញ តារាប្រុសសង្ហារ លោក ម៉ក់ ឈុនលី បានបណ្តើរ Influencer ស្រស់សោភាគឺកញ្ញា មុនី យ៉ាងសន្និស្នាលខុសពីធម្មតា និងមានរូបភាពគូជាច្រើនជាមួយគ្នា ស្និទ្ធស្នាល នៅកៀកនិងឆ្ងាយពីគ្នាសោះ ក្នុងកម្មវិធីនេះផងដែរ ។

អ្វីដែលបណ្តាអ្នកគាំទ្រចាប់អារម្មណ៍ខ្លាំងនោះ ក្រៅពីរូបភាព ស្និទ្ធស្នាលគ្នាហើយនោះ អ្នកទាំង២ថែមទាំងលើកដៃបង្ហាញ មិនពាក់ចិញ្ជៀនដូចគ្នាទៀត ហាក់ឲ្យតម្រុយស្នេហ៍ទៅកាន់អ្នកគាំទ្រ ៕