រាជធានីភ្នំពេញ ៖ កាលពីថ្ងៃទី៣១ ខែមីនា ឆ្នាំ២០២៤ វេលាម៉ោង ១៩ និង ៣៥ នាទី មានករណី ប៉ុនប៉ងឃាតកម្ម មួយករណី កើតឡើងចណុចលើដងផ្លូវជាតិ លេខ៣ ចន្លោះគីឡូម៉ែត្រ លេខ ៥៧-៥៨ ស្ថិតនៅក្នុងភូមិ ត្រពាំងឃ្លោក ឃុំខ្វាវ ស្រុកសំរោង ខេត្តតាកែវ បង្ករឡើងដោយជនសង្ស័យ មិនស្គាល់អត្តសញ្ញាណ បើកបររថយន្ត ម៉ាកកូរ៉េមួយតោនកន្លះ ពណ៌ ស ពាក់ផ្លាកលេខ ភ្នំពេញ 2BA-4494 បើកតាមរថយន្តមួយគ្រឿងទៀតម៉ាក់ តូរីស ពណ៍ ស្លែ ពាក់ផ្លាក់លេខ ភ្នំពេញ 2K-8528 បើកបរដោយជនរងគ្រោៈឈ្មោៈ ឡេង កាក់ ភេទ ប្រុស អាយុ ៣៦ ឆ្នាំ ពេលមកដល់ចំណុចបណ្តោយផ្លូវជាតិលេខ៣ ចន្លោះគីឡូម៉ែត្រលេខ ៥៧-៥៨ ម៉ាកកូរ៉េមួយតោនកន្លះខាងលើ បានបើកវ៉ាជែងមកកាក់រថយន្តជនរងគ្រោះដោយស្រែកឲ្យជនរងគ្រោះឈប់រថយន្ត បន្ទាប់មកជនរងគ្រោះប្រដាប់ដោយទីបបានចុះទៅរកជនសង្ស័យ ពេលដែលដើរទៅដល់ជនសង្ស័យក៏បានដកកាំភ្លើង(មិនស្គាល់ម៉ាក) ចេញពីចង្កេះបាញ់ទៅលើជនរងគ្រោះចំនួន៧គ្រាប់ បណ្តាលឲ្យជនរងគ្រោះដេកដួលនៅនឹងកន្លែងកើតហេតុ។

ក្រោយពីធ្វើសកម្មភាពរួចជនសង្ស័យខាងលើបានឡើងរថយន្តរត់គេចខ្លួនបាត់។​ ចំណែកជនរងគ្រោះត្រូវបានស្នងការដ្ឋាននគរបាលខេត្តតាកែវ បញ្ជូនទៅសង្គ្រោះនៅមន្ទីពេទ្យលោកសង្ឃ ។

ក្រោយពីទទួលបានព័ត៌មាន នៅថ្ងៃទី០១ ខែមេសា ឆ្នាំ២០២៤ វេលាម៉ោង ១១ និង ៣០នាទី ដោយអនុវត្តតាមបទបញ្ជារបស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ,អគ្គស្នងការរងទទួលផែន និងឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ ,លោកឧត្តមសេនីយ៍ ហ៊ុន មុន្នីរ័ត្ន និងលោកវរសេនីយ៍ឯក ហែម បូណា អនុប្រធាននាយកដ្ឋាន បានដឹកនាំកម្លាំងជំនាញរបស់នាយយកដ្ឋាននគរបាលព្រហ្មទណ្ឌ សហការជាមួយកម្លាំងជំនាញរបស់ស្នងការដ្ឋាននគរបាលខេត្តកែវ និងអធិការដ្ឋាននគរបាលខណ្ឌមានជ័យ ធ្វើការស្រាវជ្រាវតាមនីតិវិធី និងប្រើរយ:ពេល ១៨ម៉ោង រហូតកំណត់បានទីតាំងលាក់ខ្លួនរបស់ជនសង្ស័យ និងឈានទៅដល់ការឃាតខ្លួន ជនសង្ស័យម្នាក់ឈ្មោះ ឌីត និមល អាយុ ៣៥ឆ្នាំ ភេទប្រុស មុខរបរអាជីវករ(បោះ ដុំ ប៊ីចេង) នៅចំណុចផ្លូវឧកញ៉ាឌួង ងៀប កែងផ្លូងវែងស្រេង ស្ថិតក្នុងខណ្ឌ មានជ័យរាជធានីភ្នំពេញ ។

ក្រោយពីបានធ្វើការសាកសួរបឋមជនសង្ស័យខាងលើបានឆ្លើយសារភាពថា កាលពីថ្ងៃទី៣១ ខែមីនា ឆ្នាំ២០២៤ វេលាប្រហែលម៉ោង១៩ និង០០ នាទី ខ្លួនពិតជាបានប្រើប្រាស់អាវុតខ្លីម៉ាក K-59 បាញ់ទៅលើជនរងគ្រោះឈ្មោះ ឡេង កាក់ បណ្តាលឲ្យរងរបួលធ្ងន់ប្រាកដមែន មូលហេតុដោយសារតែជនរងគ្រោះមិនព្រមសងប្រាក់ថ្លៃទិញប៊ីចេង ។

សមត្ថកិច្ចបានដកហូតវត្ថុតាងអាវុធខ្លីម៉ាក K-59 ចំនួន ១ដើម (វត្ថុតាងប្រព្រឹត្តបទល្មើស) ។

បច្ចុប្បន្នជនសង្ស័យខាងលើ ត្រូវបាននាំខ្លួនមកកាន់នាយកដ្ឋាននគរបានព្រហ្មទណ្ឌ ដើម្បីប្រគល់ជូនស្នងការដ្ឋាននគរបាលខេត្តតាកែវ ដែលជាម្ចាស់លរណី ដើម្បីកសាងសំណុំរឿងតាមនីតិវិធី ៕